Ekinshi kategorııaly magıstral Beıneý aýylynan bastalyp, О́zbekstan shekarasyna deıin 85 shaqyrymǵa sozylǵan.
A.Mamın Beıneý-Aqjigit avtokólik jolyn óńirlik mańyzdylyǵy bar ınfraqurylymdyq nysan retinde atap ótti.
«Bul mańyzdy joba Aqtaý men Quryq teńiz porttary arqyly Ortalyq Azııa elderinen Kavkaz, Túrkııa jáne Eýropaǵa tranzıttik avtokólik aǵynyn qalyptastyrýǵa yqpal etedi», degen A.Mamın joldyń qurylysyn sapaly júrgizip, ony belgilengen ýaqytta aıaqtaýdy tapsyrdy.
Sondaı-aq birinshi vıse-premer Quryq portynda parom kesheniniń ekinshi kezegi qurylysynyń barysymen tanysty.
A.Mamınge Shyǵys jáne Batys sýlarynyń qurylysy, «Kedendik resimdeý aımaǵy» nysany port damýynyń ekinshi kezeńiniń jaǵalaýdaǵy gıdrotehnıkalyq qurylymdary týraly aqparat berildi. Sonymen qatar «Quryq-Quryq porty» avtokólik tas jolyn qaıta qurý jáne parom keshenin paıdalanýǵa berý boıynsha júrgizilip jatqan sharalar týraly habardar etti.
Qazirgi ýaqytta ekinshi keshen synaq rejiminde iske qosylady. Joba júzege asyrylǵannan bastap 476 keme qatynasy júrgizildi, 2 110 myń tonna júk óńdeldi, onyń ishinde bıylǵy jyly 156 keme qatynasy júrgizilip, 634 myń tonnadan astam júk óńdeldi.
Sol kúni birinshi vıse-premer XV óńiraralyq yntymaqtastyq forýmyna daıyndyq aıasynda Soltústik Qazaqstan oblysyna jumys saparymen bardy.
A.Mamın Petropavl qalasynyń halyqaralyq áýejaıynda turaq oryndaryn qalpyna keltirý, «Áýejaıǵa kireberis jol» avtokólik jolyn kúrdeli jóndeý jumystarymen tanysty.
Sondaı-aq Premer-Mınıstrdiń birinshi orynbasary «Nurly jol» baǵdarlamasy boıynsha júzege asyrylyp jatqan «Petropavl-Reseı Federasııasynyń shekarasy» ýchaskesindegi jol ótpesin qaıta qalpyna keltirý barysyn óz kózimen kórdi.
О́ńirde A.Mamın oqýshylar saraıynyń, «Jas О́rken» jańa shaǵyn aýdanynyń, «Hilton» saýda-qonaq úı kesheniniń, «Qyzyljar» qonaq úıiniń qurylysy barysymen tanysty. Barlyq nysandar 2018 jyldyń qyrkúıek aıynda paıdalanýǵa beriledi.
A.Mamın Petropavlda Qazaqstan men Reseıdiń XV óńiraralyq yntymaqtastyq forýmyna daıyndyq jumystaryn joǵary uıymdastyrýshylyq deńgeıde ótkizýdi tapsyrdy.
