Oljas Súleımenov stýdenttermen kezdesti

Tárbıe jumysynyń tıimdi­ligin art­­tyrý maqsatynda Qazaq ulttyq ag­rarlyq ýnıversı­tetinde 2004 jyldan beri Ol­jas Súleımenov atyndaǵy «Áleýmet­tik-gýmanıtarlyq bilim be­rý jáne tárbıe ınstıtýty» jumys is­teýde. Aqyn osynda oqıtyn stýdenttermen jıi kezdesip, túrli mádenı-kóp­shilik, sporttyq sha­ralarǵa da jıi qatysyp tu­rady. Osyndaı kezdesýler ba­ry­synda kórnekti qaıratker ádebıet pen mádenıet, ulttyq patrıotızm men beıbitshilik máselesi, elimizdiń eko­logııalyq problemalary jáne jo­ǵary oqý oryndarynyń halyqaralyq bilim keńistigine kirýi týraly paıymdaý­lary­men pikir almasady.

Bıyl da Oljas Omaruly tý­ǵan kúni qarsańynda óziniń aty­­men atalatyn ıns­tıtýtqa kelip, ýnıversıtettegi ár ult­tyń jastarynan quralǵan stýdenttik  «Dos­tyq» assambleıasy múshe­lerimen kez­desip, rýhanııat taqy­rybynda áńgime órbitip, pikir almasty. О́nerli jastar Ol­je­keńniń óleńderin ár ulttyń tiLinde oqyp, shyǵarmalarynan kom­pozısııalyq kórinister usy­nyp, kórnekti aqynnyń batasyn al­dy.

Shyǵarmashylyq kezdesýden keıin ýnıversıtettiń Sport kesheninde «Oljas Súleı­menov júldesi» úshin voleıboldan ardager komandalar ara­synda dás­túrli HII Halyqaralyq týrnır tartysty ótti. Týrnırdi uıym­dastyrýshy – ýnıversıtet rektory, akademık Tilektes Es­polov.

Oljekeńniń qol doby – voleıbol oıy­nyna qumarlyǵyn dúıim jurt jaqsy biledi. Aqyn stý­dentter arasynda salamatty ómir saltynyń úlgisi de bolýda. Onyń bastaýymen ýnıversıtette ar­dager­lerdiń komandasy qurylyp, basqa oqý oryndary men mekemelerdiń komandalarymen kezdesýler ótkizý dás­túr­ge aınalǵan. 

Bıylǵy týrnırge Reseı, О́z­bek­stan, Qyrǵyzstan elderi koman­dalarymen qa­­tar, Taraz, Taldyqorǵan, Shymkent, Qa­­­ra­ǵandy, Semeı, Qyzylorda qala­la­rynyń jáne Qazaq ulttyq ag­rar­lyq ýnı­versıtetiniń 2 ardager voleıbolshylar komandalary qatysýda. Qalyptasqan dástúrdi buzbaı, aqsaqaldyq jasyna qa­ra­mastan bul jarystarǵa  Oljekeńniń ózi de qatysty.

Úsh kúnge josparlanǵan týr­nır­diń qo­­rytyndysy boıynsha Oljas Omar­ul­y oınaıtyn Qazaq ulttyq agrar­lyq ýnı­versıtetiniń komandasy bas júl­deni ol­jalady. Jambyl oblysy­nan kelgen «Ar­dager» ekinshi oryn alsa, taldy­qor­ǵandyq «Jetisý» úshinshi satyǵa tu­raq­tady.

Ǵalym SÚLEIMEN,
«Egemen Qazaqstan»

ALMATY