Jalpy erejeler
Osy «Memlekettik til jáne BAQ» respýblıkalyq konkýrsyn (budan ári – konkýrs) ótkizý qaǵıdalary (budan ári – Qaǵıda) Qazaqstan Respýblıkasy Baılanys jáne aqparat qyzmetkerleriniń kúnine oraılastyrylǵan.
Konkýrsty ótkizýdiń maqsaty memlekettik til saıasatyn buqaralyq aqparat quraldarynda nasıhattaý, qazaqtildi kontentti arttyrý jáne memlekettik tildiń qoldaný aıasyn keńeıtý bolyp esepteledi.
Konkýrs tórt nomınasııadan turady:
1) «Úzdik maqala»;
2) «Úzdik telebaǵdarlama»;
3) «Úzdik radıobaǵdarlama»;
4) «Úzdik saıt maqalasy».
Konkýrsqa memlekettik tildi damytý, nasıhattaý, onyń qoldanys aıasyn arttyrý boıynsha BAQ-ta materıaldar jarııalaǵan jýrnalıster qatysa alady.
Aldyńǵy konkýrstardaǵy bas júldemen marapattalǵan jeńimpazdar konkýrsqa qatystyrylmaıdy.
Konkýrsty uıymdastyrý tártibi
Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti (budan ári – Komıtet) konkýrstyń uıymdastyrýshysy bolyp sanalady.
Konkýrsty ótkizý týraly habarlandyrý 2018 jyldyń I toqsanynyń sońyna deıin buqaralyq aqparat quraldarynda jarııalanady jáne Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrylady.
Konkýrsqa qatysý úshin osy Qaǵıdanyń 3-tarmaǵynda kórsetilgen tórt nomınasııanyń bireýi boıynsha jazbasha túrde Komıtetke 2018 jylǵy 12 maýsymǵa deıin mynadaı qujattarmen birge beriledi:
1) ótinim (osy Qaǵıdaǵa qosymshaǵa sáıkes nysan boıynsha);
2) 2017 jylǵy 10 maýsym men 2018 jylǵy 8 maýsym aralyǵynda buqaralyq aqparat quraldarynda jaryq kórgen eki materıaldy, sonyń ishinde radıo jáne telebaǵdarlamalardy, memlekettik tildegi saıttardaǵy jáne merzimdik baspasózdegi jarııalanǵan maqalalardy;
3) maqala jarııalanǵan gazet-jýrnaldar, saıttardyń skrınshottary, baǵdarlamalardyń DVD dıskidegi jazbasy, maqalalardyń «Word» formatyndaǵy elektrondyq nusqalary;
Merzimnen keıin usynylǵan ótinim konkýrsqa qatystyrylmaıdy.
Komıtetke usynylǵan qujattar qaıtarylmaıdy.
Qorytyndy erejeler
Konkýrsqa qatysýshylardyń jumysyn baǵalaý jáne jeńimpazdardy anyqtaý úshin til men ádebıet, jýrnalıstıka salalarynyń bilikti mamandary, ǵalymdar, zııaly qaýym ókilderinen bes adamnan turatyn qazylar alqasy qurylady. Onyń quramyn Komıtet bekitedi. Qazylar alqasynyń quramy tóraǵadan jáne onyń múshelerinen turady. Qazylar alqasy músheleriniń daýystary teń bolǵan jaǵdaıda tóraǵalyq etýshiniń daýysy sheshýshi bolyp esepteledi. Qazylar alqasynyń sheshimi hattama túrinde resimdelip, qazylar alqasynyń barlyq quramy qol qoıady. Qazylar alqasy konkýrsqa qatysýshylardan túsken materıaldar negizinde daýys berý arqyly konkýrstyń tórt nomınasııasy boıynsha jeńimpazdardy anyqtaıdy. Konkýrstyń marapattaý rásimi saltanatty túrde ótkiziledi.
Konkýrs jeńimpazdary arnaıy dıplomdarmen jáne bekitilgen syılyq qorymen marapattalady.
Konkýrstyń jeńimpazdary týraly aqparat konkýrs bitkennen keıingi 10 jumys kún ishinde buqaralyq aqparat quraldarynda jarııalanady jáne Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrylady.
010000, Astana qalasy, Máńgilik El dańǵyly, 8-úı, «Mınıstrlikter úıi», 15-kireberis, Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti, «Memlekettik til jáne BAQ» respýblıkalyq konkýrsyna» degen belgimen.
Baılanys telefondary: 8 (7172) 74-04-97, 74-14-97, 27-98-36, 40-83-67.
