Senat Tóraǵasy О́bekstandy Qazaqstannyń aımaqtaǵy negizgi saıası jáne ekonomıkalyq áriptesi retinde atady. «Sońǵy kezde bizdiń elderimiz arasyndaǵy túrli saladaǵy yntymaqtastyqtyń damýy qarqyn ala túskenin rızashylyqpen kórip otyrmyz. Yntymaqtastyqtyń bulaısha órbýi Qazaqstan men О́zbekstan halyqtarynyń ynta-yqylasyna tolyqtaı sáıkes bolyp otyr», - dedi Q.Toqaev.
Senat Tóraǵasynyń pikirinshe, bizdiń memleketterimizdiń basshylary arasyndaǵy senimdi qarym-qatynas pen ózara túsinistik ekijaqty strategııalyq yntymaqtastyqty nyǵaıtýdy aıqyndaıtyn másele bolyp tabylady.
Júzdesýshiler eki eldiń zań shyǵarý organdarynyń ózara belsendi is-qımyly yntymaqtastyqtyń mańyzdy bóligi ekenin atap ótti. Q.Toqaev О́zbekstannyń Olıı Májilisi Senatynyń Tóraǵasyn Qazaqstanǵa saparmen kelýge shaqyrdy.
Q.Toqaev pen Belarýs elshisi A. Nıchkasovpen kezdesýinde parlamentaralyq únqatysýdy nyǵaıtý máseleleri basty nazarda boldy.
Parlament joǵarǵy Palatasynyń basshysy Qazaqstan men Belarýs zań shyǵarýshylarynyń ekijaqty sıpattaǵy jáne TMD, UQShU jáne EQYU parlamenttik assambleıalary aıasyndaǵy ózara is-qımyl deńgeıin joǵary baǵalady. Q.Toqaev yntymaqtasý birlestikteriniń aıasyndaǵy eki memleketti jaqyndastyrýda depýtattar qyzmetiniń mańyzy óte zor dep sanaıdy.
Kezdesýge qatysýshylar parlamenttik baılanystardy odan ári damytý, sondaı-aq saýda-ekonomıkalyq, kólik-logıstıka, gýmanıtarlyq salalardaǵy yntymaqtastyqtyń keleshegin qarastyrdy.
