«Sol sátte biz bunyń naqty ne ekenin túsinbeı qaldyq. Basynda kózge jáı súıek bolyp kórindi. Keıin bul janýardyń qaldyqtary dep oıladyq. Qurylys mashınasy óz jumysyn toqtatqan sátte, biz adam bas súıegin alyp shyqqanyn baıqadyq. Adam súıegimen birge onyń altyn áshekeıleri de tabyldy. Biz tez arada sol aımaqty qorshaýǵa alyp, 102 - ge habarlastyq», - dep eske túsirdi qurylysshy Bahyt Danat.
Tabylǵan adam súıegi shamamen bizdiń zamanymyzdyń II-IV ǵasyrynda jerlengen. Sonymen qatar, ol jerden jylqy súıegi de tabylyp otyr.
Tarıhshylardyń aıtýynsha, adamnyń altyn kıimi men altyn áshekeıleri onyń ǵun dáýiriniń qurmetti adamy ekenin kórsetedi. Árıne, naqty derekter tek qana arnaıy zertteý jumystarynan keıin ǵana belgili bolady. Sondyqtan mamandar bul týraly áli eshqandaı aqparat bergen joq.
«Bul erekshe adamnyń bas súıegi. О́te qundy dúnıeler de tabyldy. Ázirge ol týraly eshqandaı derek aıta almaımyz, sebebi, onyń áshekeıleri men kıimi altyn bolmaýy múmkin. Negizinde, ǵun dáýirinde ómir súrgen adam súıeginiń tabylýy Aqtóbe oblysynda birinshi ret bolyp otyrǵan jaǵdaı»,- dep habarlaıdy murajaı basshysy Meıram Dúısenǵalı.
