Elbasy N.Nazarbaev Joldaýynda: «Agrarlyq ǵylymdy damytý máselesi basty nazarda bolýǵa tıis. Ol eń aldymen jańa tehnologııalardy transfertteýmen jáne olardy otandyq jaǵdaıǵa beıimdeýmen aınalysýy qajet. Osyǵan oraı agrarlyq ýnıversıtetterdiń rólin qaıta qaraý kerek. Olar dıplom berip qana qoımaı, aýyl sharýashylyǵy kesheninde naqty jumys isteıtin nemese ǵylymmen aınalysatyn mamandardy daıarlaýǵa tıis. Bul joǵary oqý oryndarynan oqý baǵdarlamalaryn jańartyp, agroónerkásip keshenindegi ozyq bilim men úzdik tájirıbeni taratatyn ortalyqtarǵa aınalý talap etiledi», degen-di.
Qazaq Ulttyq agrarlyq ýnıversıteti osy talap negizinde oqý úderisinde ınnovasııalyq jáne ozyq ádisterdi paıdalana otyryp, aýylsharýashylyq mamandaryn daıarlaý sapasyn udaıy arttyrý qaǵıdatyn berik ustanyp keledi. Oqý orny bazasynda Agrotehnologııalyq hab quramyna kiretin Qazaqstan-Japonııa, Qazaqstan-Belarýs agroınjenerlik, sý, turaqty egin sharýashylyǵy, agroónerkásiptik keshenge sandyq tehnologııalardy engizýmen aınalysatyn sıtýasııalyq ortalyqtar, ınnovasııalyq jylyjaı, kolleksııalyq baq, Memlekettik ındýstrııalyq-ınnovasııalyq damý baǵdarlamasy sheńberinde mamandar daıarlaýǵa arnalǵan ǵylymı-zertteý zerthanalary, «N.Nazarbaev bilim jáne ǵylym» ortalyǵy, «Agrarlyq bilim-ǵylym-óndiris ıntegrasııasy» kórmesi bar jáne osy atalǵandar qyzý jumys istep tur.
Oqý ornyna 2001 jyly rektor bolyp taǵaıyndalǵan akademık T.Espolovtyń sheber uıymdastyrýshylyǵynyń nátıjesinde búginge deıin Qazaq ulttyq agrarlyq ýnıversıtetinde kózge kóriner qomaqty, aýyz toltyryp aıtarlyqtaı aýqymdy is-sharýalar atqarylyp keledi. Elbasy tapsyrmasyn oryndaý maqsatynda agroónerkásiptik keshen salasynda bilikti mamandar daıarlaý jáne aýylsharýashylyq óndirisine IT tehnologııalardy engizý» taqyrybynda 2018 jyldyń 11 maýsymy kúni ótetin Parlament Májilisi Agrarlyq komıtetiniń kóshpeli otyrysynyń osy oqý ornynda ótýi de basshynyń biliktiligin bildirse kerek.
Aıta ketý kerek, Parlament Májilisi Tóraǵasynyń orynbasary V.Bojko bastaǵan depýtattardyń qatysýymen ótetin bul sharada «Agroónerkásiptik keshen salasynda kadrlardy daıarlaý jáne aýyl sharýashylyǵy óndirisine IT tehnologııalardy engizý» boıynsha naqty usynystar berilip, talqylanady.
Edil ANYQBAI,
Jýrnalıster odaǵynyń múshesi
