2018 jyldyń mamyr aıynan bastap «Men qazaqpyn» jobasynyń ekinshi maýsymyna irikteý kezeńderi bastalǵan bolatyn.
Erjanar Ásheıhannyń aıtýynsha, «Men qazaqpyn» halyqaralyq mega-jobasy byltyr el kóleminde 14 oblys ortalyǵy men Astana, Almaty qalalaryn qamtydy.
«Bıyl dál qazirgi ýaqytqa deıin 176 eldi mekende ótkizdik. Joba jalpyhalyqtyq sıpatqa ıe boldy. Búgin Aqtóbe oblysynyń Temir, Shyǵys Qazaqstan oblysynyń Kókpekti aýdandarynda ótkiziledi. 183 aýdan ortalyǵy, oblystyq mańyzy bar qalalardy qamtyǵan aýdandyq irikteýdiń sońǵy kúni 19 maýsym dep belgilengen. Búginge deıin 1300-deı ónerpaz aýdandyq irikteýlerde baq synady. Onyń 391-i dara shyǵyp, oblystyq irikteýge joldama aldy. 5 maýsym kúni Shymkent qalasynda «Men qazaqpyn» halyqaralyq mega-jobasynyń oblystyq irikteýi ótkizildi. 270-teı adam saıysqa túsip án, kúı, jyr-terme atalymdary boıynsha jeńimpazdar anyqtaldy», dedi ol.
Atalǵan jobanyń negizgi maqsaty elimizdiń túkpir-túkpirindegi dástúrli ánshi-termeshi, kúıshilerdiń basyn bir arnada toǵystyryp, elimizdiń ár aımaǵynda qalyptasqan óner mektepteriniń tańdaýly týyndylaryn dáripteý, tól ónerimiz kúı, jyr-termeni damytyp, zamanǵa saı jańashalandyryp, óskeleń urpaqqa nasıhattaý.
«Men qazaqpyn» halyqaralyq mega-jobasynyń II maýsymyna qatysýshylar 3 memleketten (Reseı Federasııasy, Qyrǵyzstan, Mońǵolııa) qatysady. Reseı Federasııasy Astrahan óńirinen kúı atalymy boıynsha 8 adam qatysyp, 2 kúıshi jobaǵa qatysýǵa joldama aldy. Qazir respýblıkamyzdyń ár óńirinde mega-jobanyń irikteý kezeńderi kestege saı ótkizilip jatyr. Oblystyq, qalalyq irikteý kezeńderi nátıjesinde ár atalym boıynsha 1 ónerpazdan mega-jobaǵa joldama alady. «Men qazaqpyn» mega-jobasynyń II maýsymy 2018 jyldyń qyrkúıek aıynyń birinshi aptasynan bastap efırge shyǵady. Al fınaldyq kezeńi 2018 jyldyń 16 jeltoqsanyna josparlanyp otyr», dedi Qýanysh Súleımenov.
Aıta keteıik, Aqparat jáne kommýnıkasııa mınıstrliginiń qoldaýymen «Qazaqstan» RTRK» AQ birlesip, 2017 jyly «Men qazaqpyn» atty halyqaralyq televızııalyq megajobasyn alǵash ret júzege asyrǵan bolatyn.
Raýan QAIDAR,
«Egemen Qazaqstan»
