Kásipodaqtar zańnamalyq jáne normatıvtik-quqyqtyq aktilerdi jetildirý arqyly eńbek qaýipsizdigin qorǵaý salasyndaǵy ulttyq saıasatty damytýdy maqsat etip keledi. Búginde jumyskerlerdiń quqyǵyn qorǵaýdaǵy negizgi tetik áleýmettik áriptestikte jatyr. Aǵymdaǵy jyldyń naýryz aıynda Almaty qalasy ákimdigi, «Almaty kásipodaqtar odaǵy» Aýmaqtyq kásipodaqtar birlestigi, «Almaty kásipodaqtar odaǵy» jáne Almaty qalasy kásipkerler palatasymen negizgi normatıvti-quqyqtyq qujat - 2018-2020 jyldarǵa arnalǵan Aımaqtyq kelisim jasaldy. Búginde negizgi qujat aıasynda qaladaǵy eńbek ujymdaryna qolaıly jaǵdaılar jasaý men eńbek qaýipsizdigin qorǵaý baǵytyndaǵy sharalar júzege asýda.
Kásipodaqtar merekesi qalalyq fılıaldardyń qyzmeti jaıly jasalǵan «Qazaqstan kásipodaǵy qozǵalysynyń tarıhy» kórmesinen bastalyp, arnaıy beınebaıan kópshiliktiń nazaryna usynyldy.
Saltanatty sharany Almaty qalasy jumyspen qamtý jáne áleýmettik baǵdarlamalar basqarmasynyń bastyǵy M.B.Otynshıev quttyqtaý lebizimen bastap, árbir eńbekker úshin mańyzdy merekemen quttyqtady. «Memleket basshysy «qoǵamymyzdyń áleýmettik birligin nyǵaıtýǵa naqty kúsh-jiger jumsaýdyń ýaqyty keldi» degen bolatyn. Búgingi tańda kásipodaq qyzmetiniń basym baǵyttarynyń biri – 5 ınstıtýsıonaldyq reformasyn júzege asyrýǵa baǵyttalǵan «100 naqty qadam» Ult josparyn oryndaý. Aǵymdaǵy jyldyń basynan bastap jańa Eńbek kodeksi qoldanysqa engizilgen. Sonymen qatar «Kásipodaqtar týraly» Zań da bar. Bul oraıda jahandyq ekonomıkalyq daǵdarysqa baılanysty kásipodaq qyzmetine degen kózqaras ta jańara túsýde» dep atap ótti M.B.Otynshıev.
Saltanatty shara kásipodaq múshelerin marapattaýmen jalǵasyn tapty. «Almaty sıgnalızasııa jáne baılanys dıstansııasy» bastaýysh kásipodaq uıymy, «Alataý Jaryq Kompanııasy» adam resýrstary basqarmasynyń bastyǵy A.A.Abdırov, Almaty tehnologııalyq ýnıversıteti stýdenttik komıtet kásipodaǵynyń tóraıymy A.Djaılhanova, «Almaty elektr stansasy» Batys jylý kesheni departamentiniń eńbekti qorǵaý boıynsha tehnıkalyq ınspektory M.V.Ivansov jáne t.b. «Kásipodaq ómirine belsendi qatysqany úshin», «Urpaqtar sabaqtastyǵy», «Áleýmettik seriktester», «Kásipodaqtardyń jastar rezervi», «Jappaı quqyqtyq bilim alý» atalymdary boıynsha marapattaldy.
Merekelik shara aıasynda ótken plenarlyq otyrysta Qazaqstan Respýblıkasy Kásipodaqtar federasııasynyń «Aktıvterin basqarý jónindegi dıreksııa» mekemesiniń Bas dırektory Q.N.Mýsın, «Almaty kásipodaqtar odaǵy» Aýmaqtyq kásipodaqtar birlestiginiń tóraıymy Z.Á.О́mirbaeva, Almaty kásipodaqtar odaǵy» Aýmaqtyq kásipodaqtar birlestigi tóraıymynyń orynbasary J.M.Estaev, Memlekettik, bank mekemeleri jáne qoǵamdyq qyzmet kórsetý kásipodaǵy kyzmetkerleriniń kásipodaǵy Almaty qalalyq fılıaly tóraıymy D.M.Aınaqulova, respýblıkalyq «SENIM» Densaýlyq saqtaý qyzmetkerleriniń salalyq kásipodaǵy» Almaty qalasy fılıalynyń tóraǵasy Q.Sh.Nurgazıev, «Almaty kásipodaqtar ortalyǵy» Aýmaqtyq kásipodaqtar birlestiginiń ókili V.K. Kekerchen, Almaty elektrli stansııasy Jergilikti «Energııa» kásipodaǵy V.M.Sıtdıkov, t.b. qatysty. Qatysýshylar «Eńbek zańnamasy», «BAQ-men jumys isteý», «Áleýmettik seriktestik jáne medıasııa», «Jastarmen jumys», «Saýyqtyrý demalysyn uıymdastyrý» taqyryptarynda semınar-trenıngter ótkizdi.
Shara aıasynda flesh-mob uıymdastyrylyp, Nurǵısa Tilendıev atyndaǵy Otyrar sazy orkestri, Abaı atyndaǵy opera jáne balet teatrynyń ánshisi N.Nadenova, «Jiger» dýeti, Jambyl atyndaǵy Qazaq memlekettik fılarmonııasynyń ónerpazdary men «Arman» bı ansambli óner kórsetti.
Elvıra SERIKQYZY,
«Egemen Qazaqstan»
ALMATY
