Aımaqtar • 08 Maýsym, 2018

Atyraýda káriz sýyn tazartý ǵımaratynyń jańa júıesi salynyp jatyr

790 ret

kórsetildi

1 mın

oqý úshin

Jańa káriz tazartý ǵımaratynyń qoldanysqa berilýi oblys ortalyǵynyń sol jaq bóligindegi káriz sýyn tazalaý problemasyn sheshedi. Ol aldaǵy jyly paıdalanýǵa beriledi dep josparlanyp otyr. Káriz tazartý ǵımaratynyń jańa júıesiniń qurylysyna 70 maman tartylǵan, bıotoǵan, tazartylǵan sý kollektory, tazartylmaǵan sý kollektory, laı alańy, bas káriz sorǵy stansasy qurylysy salynyp jatyr.

Egemen Qazaqstan

Atyraýda káriz sýyn tazartý ǵımaratynyń jańa júıesi salynyp jatyr

Qalanyń sol jaq bóligindegi káriz tazartý ǵımaratynyń kesheni Atyraýdyń ońtústik, ońtústik-shyǵys bóliginde ornalasady.

Keshen jumysyn bastaǵannan keıin qazirgi qoldanystaǵy "Sasyqsaı" jabylady, jergilikti turǵyndar birneshe jyl boıy osy másele boıynsha shaǵymdanyp júrgen edi. Keshende bas káriz stansasy alańy, káriz tazartý ǵımaraty alańy, bıologııalyq toǵan alańy men býlaný alańy bar. Keshen qýaty táýligine 70 000 kýb metr paıdalanylǵan sý.

Qurylys 2019 jyly aıaqtalady. Aıta keteıik, 14 aqpan 2018 jyly Atyraý qalasy ákimi Serik Shapkenov turǵyndarmen kezdesýinde KTJ ǵımaraty 1978 jyly qoldanysqa berilgenin, sodan beri kúrdeli jóndeý jasalmaǵanyn aıtqan edi. Paıdalanylǵan sý býlaný alańyna jetkenge deıin tazartýdyń tolyq satysynan ótpeıdi. Bul turǵyndardyń narazylyǵyn týdyryp keldi: apat bolǵan jaǵdaıda qalany las sý basatyn edi.