Jıyn barysynda áýeli belgili rejısser Aqan Sataev sóz alyp, atalǵan jobanyń mańyzdylyǵyna toqtaldy. Budan keıin «Habar» agenttigi túsirgen bala tárbıesinde ata-ananyń alatyn róli men balanyń jasynan keshken qııalynyń óse kele shyndyqqa aınalýy múmkin ekendigi týraly arnaıy beınerolık kórsetildi. О́z sózinde «Habar» agenttiginiń Basqarma tóraǵasy Alan Ájibaev, «Qazaqstan» ulttyq arnasynyń Basqarma tóraǵasy Erlan Qarın jáne «Qazmedıa» medıa mektebiniń basshysy Mahabbat Esen elimizdiń Aqparat jáne kommýnıkasııa mınıstrliginiń bul bastamasy ásirese qalyptasyp kele jatqan jastar úshin aıryqsha mańyzdy ekenin aıtyp, aldaǵy ýaqytta da mınıstrliktiń bul bastamasyn qoldaıtyndaryn jetkizdi.
Telearnalardan kópshilikke kórsetilgen elimizdiń beıbit ómir men dostyq mekeni týraly beınerolıkter Táýelsiz elimizdiń tabystaryn kórsete bilgen týyndy bolsa, sonymen qatar qoǵamdaǵy qarttar úıi, jetim balalar taǵdyry sııaqty dúnıeler de oı salarlyq dúnıe boldy. Munda úzdik ıdeıalardyń kórinis tapqany aıqyn kórinip turdy.
Áleýmettik rolıkterdiń eń úzdik ıdeıalaryna arnalǵan «Nıet» baıqaýynyń bas júldesin Aqan Sataevtyń jetekshiligimen áleýmettik beınerolık túsirgen almatylyq Dmıtrıı Galabır jeńip aldy. Jeńimpazdy Aqparat jáne kommýnıkasııa mınıstri Dáýren Abaev marapattap, bir mıllıon teńge kóleminde qarjylaı syılyq pen arnaıy dıplom tabys etti. О́z sózinde Dáýren Áskerbekuly kórsetilip jatqan beınerolıkterdiń asa mańyzdy jumys ekenin jáne bul jobanyń aldaǵy ýaqytta da jalǵasyn tabatynyn aıtty.
Sonymen qatar júldegerler qatarynan Qýanysh Omarov jáne Rınat Turǵanbekov sııaqty azamattar da kórindi. Júldegerlerge Apple MacBook noýtbýgy men Canon fotokamerasy tabystaldy.
Aıta keteıik, elimizdiń barlyq óńirleriniń turǵyndarynan áleýmettik beınerolık ıdeıasy baıqaýyna qatysý úshin 600-den astam ssenarııler kelip túsken eken. Al ótken jyly elimizdiń Aqparat jáne kommýnıkasııa mınıstrliginiń tapsyrysy boıynsha 131 beınerolık túsirilgen.
Hamıt Esaman,
«Egemen Qazaqstan»
