Egemen elimizdiń týy bıik

Mine, barsha elimiz Táýelsizdik kúnin atap ótip jatyr. Eliniń bolashaǵyna beıjaı qaraı almaıtyn árbir qazaq azamatynyń júreginiń túkpirindegi derbes memleket bolsaq degen sezimderdiń shydas bermeı dúr­kin-dúrkin bulqynýynyń nátıjesinde úsh ǵasyr ýaqyt boıy ár kezeńderde oryn alǵan ult-azattyq kóte­ri­listeri men qozǵalystardyń sońǵysy – jeltoqsannyń ekpinimen kelgen táýelsizdiktiń biz úshin orny qashan­da bólek. Sondyqtan da, tolarsaqtan saz keshken ba­tyr babalarymyzdyń erkindik úshin tógilgen qany­nyń, uly murattar jolynda qurban bolǵan asyl aza­mat­ta­ry­myzdyń, asqaq armandaryn sábıindeı bilegimen, dala­syn júregimen terbetken analarymyzdyń aqyq kóz ja­synyń óteýindeı Táýelsizdigimizdi biz árqashan maqtan tutyp, qasterleı bilýge tıistimiz. Bile bilsek, bul – bizdiń azamattyq paryzymyz, adamdyq boryshymyz. О́zgelermen terezemizdi teń etken Táýelsizdigimizdi baǵalaı bilýimiz kerek. Ári keleshek urpaq sanasyna osyny uǵyndyra bilýimiz kerek. Ult tarıhynda máńgi saqtalatyn, keleshek urpaq taǵylym alatyn keshegi jeltoqsannyń jigeriniń arqasynda elimizdiń erkindikke qol jetkizýine jıyrma jyl toldy. Tarıh úshin bul qamshynyń sabyndaı qysqa ýaqyt bolǵanymen, Qazaq­stan Elbasy Nursultan Nazarbaevtyń sara saıasaty­nyń arqasynda ǵasyrlarǵa tatıtyn tolaıym isterdi atqa­rýǵa qol jetkizdi. Osy jyldar ishinde Qazaqstan álemdik arenadan óz ornyn ala bildi. Búginde bizdiń memleket álemdik qo­ǵamdastyqtyń qurmetti ári laıyqty múshesi. Álem­degi, óńirdegi kókeıkesti halyqaralyq saıası jáne eko­no­­mı­ka­lyq máselelerge qatysty Qazaqstannyń pozı­sııasy­men barlyq elder sanasady. Osynyń barlyǵy jıyrma jyl ishinde atqarylǵan tynymsyz eńbektiń, qajyrly jumystyń, syndarly saıasattyń arqasy. Qazaqstannyń ekonomıkalyq-áleýmettik salalardaǵy reformalary, ultaralyq tatýlyq pen konfes­sııa­ara­lyq kelisimdi saqtaýdaǵy qadamdary, beıbitshilik pen qaýipsizdikti qamtamasyz etýdegi júzege asyryp jat­qan jumystary TMD keńistiginde ǵana emes, álemdik deńgeıde de moıyndalyp otyr. Júrip ótken jolymyzǵa kóz jibersek, táýelsizdi­gi­niń birinshi kúninen-aq eń aldymen ishki tutastyǵy men qaýipsizdigine aıryqsha mán bergen Qazaqstan syrtqy saıasatyn da syndarly júrgize bildi. Nátıjesinde biz­diń elimiz toqsanynshy jyldary Keńes Odaǵynyń qu­ra­mynda bolǵan birtalaı memleketti sharpyǵan qaq­ty­ǵystardy aınalyp ótti. Bir sózben aıtqanda, Memleket basshysynyń ustanǵan durys pozısııasy men júrgizgen syndarly saıasatynyń arqasynda Qazaqstan ishki tu­raq­tylyǵyn saqtap qana qoımaı, kóptegen halyqaralyq bastamalar kóterip, álemge úlgi kórseter deńgeıge kóterildi. Sonymen bir mezgilde, dúnıe júzi memleketterimen dostyq, áriptestik baılanystar ornatty. Otanymyzdyń ıadrolyq qarýdan bas tartyp, Semeı synaq polıgonyn japqany ózin beıbitshilik súıgish memleket retinde tanytqanynyń aıqyn aıǵaǵy boldy. Qazaqstan jas ta bolsa bas bolyp, talaılarǵa osy­laı­sha ónege kórsetti. Jalpy, táýelsizdik qazaqqa óz áskerin qurýǵa, tól teńgesin shyǵaryp paıdalanýǵa, taǵdyr tálkegimen shet elderge ketken qandastaryn elge qaıtaryp qaýy­shý­ǵa, solaqaı saıasattyń kesirinen jabýly kúıinde qa­lyp qoıǵan mádenı muralaryn túgendeýge, túptep kelgende, óz elinde, óz jerinde erkin tynystaýǵa múmkin­dik týǵyzdy. Bul sheshimderdiń birqatary uzaq ýaqyt elorda bolǵan Almatyda qabyldansa, basym kópshiligi Otanymyzdyń júregi Astanadan bastaý aldy. Táýelsizdigimizdiń bolashaǵy, memleketimizdiń keleshegi, Qazaqstan halqynyń taǵdyry úshin Elbasy­nyń el­ordany Almatydan Aqmolaǵa kóshirýi de shyn má­ni­n­de tarıhı sheshim bolǵandyǵyn búgingi kún dá­leldep otyr. Astana qazaqstandyqtar armanyn arqa­la­ǵan táý­el­siz Qazaqstandy bıik shyńdarǵa jetelegen shaharǵa aınalyp keledi. Olaı bolsa, Jaratqan dáıim elimizdi aman, jur­ty­myzdy tynysh etsin, halqy­myz­dyń basy­nan baq-be­reke, birlik ketpesin! Mereıli mereke – Táý­elsiz­di­gi­miz­diń 20 jyldyq torqaly toıy qutty bo­lyp, uzaǵynan súı­indirsin! Teńdik ápergen táýel­sizdigimizdi qashanda kó­zi­mizdiń qarashyǵyndaı saqtap, baǵalaı bileıik! Súıindik JUMAǴULOV, Astana qalasy  Ádilet departamenti bastyǵynyń orynbasary.