Baıqaýdyń qorytyndy merekelik sharasy keshe jýrnalıstıka jáne saıasattaný fakýltetiniń akt zalynda ótti. Fakýltet stýdentteri ánnen shashý shashyp, kúmbirletip kúı tókti. О́leń oqyp, kórermenderdi ónerlerimen tánti etti. Jeńimpaz stýdentterdi marapattaýdyń kezi kelgende jýrnalıstıka jáne saıasattaný fakýltetiniń dekany Qaırat Saq kópshilik qaýymdy Táýelsizdigimizdiń 20 jyldyq merekesimen quttyqtap, júrekjardy tilegin bildirdi. Osy shyǵarmashylyq baıqaýdy uıymdastyrýǵa óz úlesin qosqany úshin buqaralyq aqparat quraldaryna alǵysyn jetkizdi. Alpystan astam stýdenttiń shyǵarmasy qabyldanǵan baıqaý jeńimpazdaryna baǵaly syılyqtar men dıplomdardy elimizdiń jetekshi BAQ ókilderi tabystady.
Atap aıtsaq, jeńimpazdarǵa “Egemen Qazaqstan” respýblıkalyq gazeti” aksıonerlik qoǵamynyń vıse-prezıdenti Erkin Qydyr Qurmanǵazy Jumaǵululyna, «Kazahstanskaıa pravda» gazetiniń bas redaktory Tatıana Kostına Zarına Seıfýllınaǵa, «Astana» jýrnalynyń bas redaktory Maqsat Táj-Murat Aıdana Úsenbaıǵa, «Nur Astana» gazetiniń bas redaktory Ǵabıt Músirep Aqtolys Aıtbozymǵa jáne «Qazaqstan» ulttyq arnasynyń aqparattyq-saraptamalyq baǵdarlamalar dıreksııasynyń dırektory Januzaq Músápir Aıǵanym Ibraevaǵa, «Halyq sózi» gazetiniń bas redaktory Qýat Áýesbaı Madııar Ishanbekovke arnaıy júldeleri men stıpendııalaryn tabystasa, Qazaqstan Respýblıkasy ishki ister organdarynyń «Medıa» ortalyǵynyń bas dırektory Almas Sadýbaev Sáýle Temirbaeva, Oljas Berkinbaev jáne Ásem Qonysbektegine, «El» gazetiniń bas redaktory Dınara Daýylbaıqyzy Nursultan Myqtybaıǵa, «Astana aqshamy» gazetiniń sholýshysy Aıgúl Ýaısova Ińkár Túlebaevaǵa, «Astana» radıosynyń shef redaktory Janetta Sadýaqas Roza Ysqaqqa aqshalaı jáne baǵaly syılyqtaryn tapsyrdy. Sondaı-aq respýblıkalyq «Tumar» jýrnaly fakýltetimizdiń 4-kýrs stýdentteri ári «Tumardyń» belsendi avtorlary Jasulanbek Maılybaı men Abzal Qalıevke aqshalaı syılyq taǵaıyndaǵany habarlandy. Osy merekelik sharada Aýǵan-stan soǵysy ardagerleri uıymdary qaýymdastyǵy tarapynan jýrnalıstıka jáne saıasattaný fakýltetiniń aǵa oqytýshysy, «Eýrazııa-aqparat» ortalyǵynyń dırektory Kenje Jumaǵulov Baýyrjan Momyshuly atyndaǵy «Batyr shapaǵaty» medalimen marapattaldy.
Elmıra ERIKQYZY,
L.N.Gýmılev atyndaǵy Eýrazııa ulttyq ýnıversıtetiniń doktoranty.
