Men elimniń patrıotymyn

Osyndaı jalyndy uranmen oblys ortalyǵyndaǵy «Astana» muz saraıynda «Táýelsizdiktiń 20 shyńy – 20 juldyzdy kún» jobasy sheńberinde «Bolashaq óz qo­ly­myzda!» atty jastar forýmy bolyp ótti. Táýelsizdik qurdastaryna qur­met kórsetildi. Sonymen birge, elimizde qurylǵan birlestikter, balalar men jasóspirimderdiń «Jas ulan» uıymyna alǵashqy ret saltanatty qabyldaý rásimi ótkizildi. Forýmǵa oblys ákimi Baqytjan Saǵyntaev qatysyp, jas­tarǵa tilek bildirdi. Muz aı­dyny alańyna elimizdiń namysyn talaı baıraqty básekelerde aby­roımen qorǵap júrgen sport­­shy­lar shyqty. Budan keıin merekelik sherýdi ǵylym, bilim, óner salalarynyń úzdikteri jalǵastyrdy. Oblys jas­tary, mektep oqýshylary ha­lyqaralyq olımpıadalarda 17 altyn, 26 kúmis, 23 qola medal­dardy jeńip aldy. О́nerli Marııa Mýdrıaktyń orny bólek. Bul rette, jınalǵandar nazaryna Ita­lııa­nyń La Skala akademııasynyń stýdenti M.Mýdrıaktyń qurlyq asyp jetken beınesálemdemesi tikeleı efır arqyly berildi. «Biz táýelsiz, jas memleketimizben qashanda maqtanýymyz qajet. Elimizdiń jetistikterin kórgende boıymdy týǵan elime, jerime degen erekshe qýanysh sezimi bıleıdi. Osy rette, jastardyń qanatyn shyńdap, qoldaý kórsetip, arma­ny­myzdyń oryndalýyna múmkin­dik jasap otyrǵan Elbasyna al­ǵysymdy bildiremin. О́zime ar­tyl­ǵan senimdi aqtaımyn. Sebebi, men – qazaqstandyqpyn!», – dedi óz sálemdemesinde Masha. Sondaı-aq, shara barysynda «Dıplommen – aýylǵa!», «Aýyl­dyń gúldenýi – Qazaqstannyń gúldenýi!» sııaqty baǵdarlama­lar­dyń oryndalý barysy, stýdenttik qurylys jáne jastar jasaq­tarynyń úshinshi eńbek maýsymy­nyń qorytyndylar shyǵaryldy. «Jasyl el» eńbek jasaqtarynyń komandırleri, belsendileri oblys ákiminiń atynan baǵaly syı­lyq­tarmen marapattaldy. Eńbek ja­saǵynyń úzdik sarbazy «Nıva» avtokóligine ıe boldy. Forým so­ńynda «Ulytaý», «Orda» toptary men jerlesterimiz Rınat Malsagov pen Janar Doǵalova óner kórsetti. Farıda BYQAI, Pavlodar.