Ánuran oınalyp, tý kóterilgen sát

Táýelsizdik jyldarynda elimizde tuńǵysh ret boks­tan eki dúrkin álem chempıony atanǵan Serik SÁPIEVPEN shaǵyn suhbat – Bala kezińde osyndaı dá­re­jege jetemin dep oıladyń ba? – Eshqashan oılamappyn. Ar­man­daǵan da emespin. Bári ret-retimen boldy ǵoı ózi. Bári da­ıyndyqtyń arqasynda keldi. Bapkerler quramaǵa alǵanda, solar­dyń senimin aqtasam dep uzaqty kún daıyndalyp  júrdim. – Eki ret álem chempıony atan­ǵanda qandaı sezimde boldyń? – Bul sezimdi endi aıtyp jetkizý qıyn. Alǵashqy jeńis 2005 jy­ly Mınıanda ótken álem chem­pıonatynda boldy ǵoı. Odan keıin 2007 jyly Chıkagoda ótken chempıonatta jeńis tuǵyrynyń eń bıik satysyna kóterildim. Bul – meniń eń baqytty sátterimniń biri. Sol kezde azdap qobaljý bol­ǵany ras. Biraq, artynan elimizdiń Ánurany oınalyp, Týymyz kóte­rilgende boıymdy erekshe bir qýanysh sezimi bıledi. – Osynyń bári Táýel­siz­dik­­tiń arqasynda keldi emes pe? Táýel­sizdiktiń saǵan ja­saǵan taǵy bir syıy Beıjiń Olım­pıadasynyń ashylý sal­tana­tynda elimizdiń Memlekettik týyn alyp shyqqa­nyń boldy ǵoı. – Iá, osynyń bári Táýelsiz­diktiń arqasynda ekenin jaqsy túsinemin. Tarıhta onyń qadir-qasıetin bilgen de bar, bilmegen de bar. Bul týraly kóp aıta berýge bolady. Al bizdiń táýelsiz­digimiz ata-babalarymyzdyń ǵa­syr­lar boıǵy armany, maqsaty edi. Ol bizge taram-taram urpaq arqyly kelip jetti. Sondyqtan bizdiń urpaqty baqytty urpaq deý­ge bolady.  О́ıtkeni, qazir biz elimiz táýelsizdik alǵanyn kórip, egemen, azat elde ómir súrip jatyrmyz. О́zim boksshy bolǵannan keıin sportta táýelsizdiktiń qadir-qa­sıetiniń qandaı bolatynyn jaq­sy bilemin. Muny men ǵana emes, basqa sportshylardyń da biletinine esh kúmánim joq. Jańa Beıjiń Olımpıadasy týraly aıtyp qaldyń ǵoı. Bul da meniń ómi­rimdegi eń baqytty sátterdiń biri. Ol bir jaǵynan abyroı, ekinshi jaǵynan úlken jaýapkershilik bolǵanyn aıtý kerek. Bul maǵan elimizdiń kórsetken senimi ekenin de jaqsy túsinemin. Sol úshin sporttyń basy-qasynda júrgen aǵalaryma alǵysymdy aıtqym keledi. Mundaı senim ekiniń birine artylmaıdy ǵoı. Qazir ulttyq quramanyń kapı­ta­ny bolǵan soń, ókshemnen basyp kele jatqan jastarǵa el namysyn qorǵaýdyń úlgisin kórsetýge umtylyp júrmin. Meniń endigi bir armandarym, áýeli Olımpıada chempıony ataný, sosyn úsh dúrkin álem chempıony ataǵyn jeńip alý. Maǵan senseńizder, túptiń-tú­binde armanyma jetpeı qoımaı­myn. – Buryn sen qazaqsha onsha sóıleı bermeıtin ediń. Qazir basqasha... – Ras, buryn oryssha sóıleı­tinmin. Oǵan ortam áser etti. Quramaǵa kelgeli beri qazaqsha úırenip aldym. – Bakýdegi álem chempıonaty qalaı boldy ózi? – Fınalǵa deıin bárin taza jeńgenimdi kórdińizder. Al fınalda Taras Shelestıýkpen kezdeskende bári basqasha boldy. Buǵan deıin ony eki ret jeńgen edim. Amal ne, qoldan kelgenniń bárin jasadym. – Áıelder boksyna qalaı qaraısyń? – Menińshe, áıelderge boks ke­rek emes. Eger meniń týǵan-týys­tarymnyń ishinde bokspen aına­lysatyn qyzdar bolsa, oǵan qar­sy bolar edim. Al bylaısha aıt­qanda, áıelder boksy el úshin jaqsy shyǵar. Áńgimelesken  Dastan KENJALIN.