Memleket basshysy Nursultan Nazarbaev mektep-lıseıdiń ashylý saltanatyna qatysyp, shákirtterge bilim kiltin tabys etip, aq batasyn bergen edi. Elbasy júktegen mindetti oryndap kele jatqanymyzǵa 20 jyldaı ýaqyt ótipti.
Prezıdentimiz «Alǵa tartqan ozady, keıin ketken tozady. Biz jyldan jylǵa jańaryp, jańǵyryp kelemiz. Biz jıyrma jyldan asar ýaqytta júz jylǵa bergisiz joldy artta qaldyrdyq», dep aıtqandaı, mektep tarıhyna keletin bolsaq, ashylǵanyna eki jyl bolǵanyna qaramastan, 2001-2002 oqý jylynda respýblıka boıynsha «Tańdaýly mektep-2001» atalymyn jeńip aldy. Odan keıin úsh oqý jylynda qatarynan «Úzdik mektep-2007, 2008, 2009» atanyp, qala ákiminiń grantyna ıe boldy. Mektep-lıseıdiń 50 paıyz ustazdaryna qosymsha ústemaqy qosyldy. Mektebimiz 2011-2012 oqý jylynyń qorytyndysy boıynsha Astana qalasy mektepteriniń arasynan «Kóshbasshy mektep» ataǵyn ıelendi. Mektep-lıseıdiń jetken belesteriniń ishindegi eń aıtýlysy – 2013 jyly Ulybrıtanııa eliniń astanasynda ótken halyqaralyq VID sapasy boıynsha «London-2013» konvensııasynda Altyn kategorııa júldesiniń Altyn tájin ıelendi. lQC júldesi №38 mektep-lıseıine kemeldiktiń buljymas sapasynyń beriktigi úshin berildi. Sol kezdegi mektep-lıseıdiń dırektory Jamal Bazarqulqyzy Qasymbek International Quality Crown júldesin Londonda VID Prezıdenti Hose Prıeto myrzanyń izgi qurmetimen aldy. Osylaısha, №38 mektep-lıseıi Astana qalasynyń ǵana emes, búkil respýblıka kólemindegi tirek mektepterdiń birine aınaldy.
Pedagogıkalyq ujym alys, jaqyn sheteldermen tájirıbe almasyp otyrady. Búginde biregeı bilim ordasy Máskeý, Sankt-Peterbýrg, Mınsk qalalarynyń bilim uıymdarymen kásibı baılanysta. Sondaı-aq joǵary oqý oryndarymen sabaqtastyqty nyǵaıtý maqsatynda Almaty qalasyndaǵy ál-Farabı atyndaǵy Qazaq Ulttyq ýnıversıtetimen, T.Rysqulov atyndaǵy ekonomıka ýnıversıetimen kelisimshart jasalsa, L.N.Gýmılev atyndaǵy Eýrazııa ulttyq ýnıversıtetimen memorandým negizinde júıeli jumys júrgizýde. Sonymen qatar mektep-lıseı tórinde qazaqtyń belgili qoǵam qaıratkerleri, óner maıtalmandary, aqyndar Muhtar Shahanov, Aqseleý Seıdimbek, Qanıpa Bitibaeva, Seıit Kenjeahmetov, Farıza Ońǵarsynova, Orazgúl Asanǵazyqyzy, Serik Turǵynbekuly jáne búgingi jas býynnan Qalqaman Sarın sııaqty tanymal shyǵarmashylyq ıelerimen kezdesýler uıymdastyrylǵan bolatyn. Ulttyq biryńǵaı testileý qorytyndysy boıynsha jyl saıyn mektep túlekteri joǵary upaılardy ıelenip keledi. Sonyń ishinde 2004-2005 oqý jylynda О́mirzaq Manas 125 ball jınaǵan bolatyn.
2015-2016 oqý jylynyń qorytyndysy boıynsha №38 mektep-lıseıi Astana qalasy boıynsha úzdik dep tanylǵan 3 mekteptiń biri boldy. Sonymen qatar qalalyq, respýblıkalyq pán olımpıadalary men ǵylymı joba jarystarynda, ár túrli baıqaýlar men saıystarda aldyńǵy qatardan kórinip, bıik belesterdi baǵyndyryp keledi.
Qazirgi tańda mektebimizde 105 muǵalim, onyń ishinde joǵary sanatty – 38, I sanatty – 25, II sanatty – 19, beı sanatty – 23 muǵalim qyzmet atqaryp keledi. Muǵalimderimizdiń 80 paıyzy jańartylǵan bilim mazmuny boıynsha bilim alyp, oqýshylarǵa jańa ádis-tásilder júıesimen sabaq berýde. Mektebimizde «Kreatıv» toby №24, 32, 52 mekteptermen jeli qoǵamdastyq arasynda jyl boıy baılanys jasap, túrli semınar, trenıng, master klass, desanttyq sabaqtar ótkizýde. Muǵalimniń kásibı quzirettiligi jan-jaqty bilimimen, ustazdyq sheberligimen, oqytýdyń jańa tásilderin meńgerýimen ólshenedi. Bilim berý úrdisinde bilim sapasy basty kórsetkish desek, sol bilim sapasyn arttyrý maqsatynda qoldanylatyn túrli ádis-tásilderdi muǵalimder qoldanýda. «Lesson Study» zertteý sabaqtarynda júıeli orynǵa qoıyp, oqýshylardy syndarly oılatý, ózdiginen izdený men aqparatty tereńinen taldaı bilý mashyǵyn ıgertip otyr. 2016-2018 oqý jyldary arasynda shákirtterimiz bilim, óner, sport salalarynda da jeńis tuǵyrynan kóterilip, mektep abyroıyn asqaqtatyp keledi. Atap aıtar bolsaq, 300-ge jýyq oqýshy qalalyq ǵylymı joba jarysynyń jeńimpazy atansa, 180 oqýshy respýblıkalyq ǵylymı joba saıysynyń júldegerleri retinde marapattaldy. Halyqaralyq kólemdegi saıystarda 100-den astam oqýshy bıik shyńdardy baǵyndyrdy. Bıyl 2-synyp oqýshysy Nıara Temırtaeva Parıj sahnasynda vokal janry boıynsha án aıtyp, bas júldeni ıelenip kelgeni de biz úshin úlken maqtanysh.
Al muǵalimderimizdiń ishinde Y.Altynsarın medaliniń ıegerleri, Bilim berý isiniń qurmetti qyzmetkerleri, Bilim jáne ǵylym mınıstrliginiń Qurmet gramotasynyń ıegerleri jáne birneshe oqýlyq avtorlary eńbek etýde.
Elbasymyz «Innovasııalyq tehnologııalardyń jetistikteri – qazirgi qoǵamnyń suranysyna saı, básekege qabiletti urpaq tárbıeleýde negiz bolý kerek» degen sózine oraı, mektep-lıseıde jańa bilim mazmuny boıynsha biliktilikti arttyrý jáne jaratylystaný baǵyty boıynsha aǵylshyn tilinde sabaq berý kýrstarynan ótken muǵalimder zaman aǵymyna saı bilim sapasyn odan ári arttyrý jolynda eńbek etýde.
Astana qalasynyń 20 jyldyǵyna №38 mektep-lıseıi de ıgilikti isterimen óz úlesin qosyp, bilim berý salasynda óziniń salmaqty orny bar bilim ordasy retinde tolaǵaı tabystarǵa jete berýge daıyn.
Kámıla KÁRIMBERDIQYZY,
Astana qalasyndaǵy №38 mektep-lıseıiniń dırektory
