28 – 29 maýsym aralyǵynda, Astanada, jetkizp berýshilerdiń jáne saýdagerlerdiń basyn qosatyn halyqaralyq jıyn ótedi. Sharaǵa qatysýǵa myńnan astam kompanııalardyń top-menedjerleri jáne 2 000 asa saýda jelileriniń basshylary nıet bildirdi.
«World of Trade 2018» alańy saýdagerler men jetkizip berýshiler kelissóz júrgizetin halyqaralyq ortalyqqa aınalmaq. Jańa formattaǵy is-shara Qazaqstan elordasy 20 jyldyǵynyń qarsańynda uıymdastyrylyp, halyqaralyq saýdanyń qyza túsýine sep bolady. Jıynda uıymdastyrýshy - «EXIM Partners» kompanııasy, Astana ákimdigi resmı túrde qoldaý bildirgen. Sharaǵa Elorda ákimi Áset Isekeshev qatysady dep kútilýde.
Astanaǵa 8 memlekettiń: Qazaqstan, Reseı, О́zbekstan, Qyrǵyzstan, Túrkmenstan, Ázirbaıjan, Ýkraına, Armenııanyń saýda jelilerinen ókilder jınalady. Halyqaralyq jıyn TMD jáne EAEO eldernen kelgen 100-den asa saýda jelisiniń ókilderi men 2000 jetkizip berýshilerdiń basyn qosady.
Sharaǵa qatysýshylar 6 000 ekijaqty kezdesýler júrgizip, 500-den astam kelisim-shartqa qol qoıady dep josparlanǵan. 2018-2019 marketıng maýsymyn qamtıtyn saýdagerlr men jetkizip berýshilerdiń úlken kelissóz kompanııasy eki kezeńmen halyqaralyq ortalyqta ótkiziledi. Jetkizilip beriletin ónim úlgileri «World of Trade 2018» alańynda arnaıy turǵyzylǵan gıpermarket ispettes nysanda usynylmaq.
Jıynǵa qatysýshylar bólshek saýdanyń bolashaǵy men jańa trendter týraly pikir almasyp, ónimdi shetelderge eksporttaý joldary jaıynda dáris alady. Sharanyń iskerlik baǵdarlamasynda úsh iri kongress bar: Eýrazııalyq saýda, Rıteıl tájirıbesi, Qazaqstandyq eksporttaýshy kúni. Sonymen qatar jıyn aıasynda rıteılerler sherýi men jyl saıynǵy «Mıss rıteıl Qazaqstan – 2018» salalyq baıqaýy ótkiziledi.
