«Egemen Qazaqstannyń» arnaıy jobasy: Jasampazdyq jemisteri
salynǵan ınvestısııa byltyrǵy 7 mlrd.teńgeden 8 mlrd. teńgege jetpek.
Torqaly toı jylynda odan saıyn jaınap-jarqyraǵan qala ómirinde qýanyshty oqıǵalar kóp. 10 myń sharshy metrden astam turǵyn úı paıdalanýǵa berildi. Balalar baqshalary ashyldy, birqatar áleýmettik nysandar, záýlim ǵımarattar salyndy. Aýlalar men kósheler kórki kóz tartarlyq kelbetke bólendi. Kókónistiń neshe túri jyl boıy ósiriletin jylyjaılar iske qosyldy. Bul kórinisterdi usynylyp otyrǵan sýretter de aıqyn beıneleıdi.
Osy kúnderdegi jezqazǵandyqtar qýanyshyna Elbasynyń tapsyrmasy boıynsha aımaqty, sonyń ishinde qalany damytýǵa arnalǵan baǵdarlamanyń qabyldanyp, bekitilýi qýanysh qosty. Soǵan sáıkes Jezqazǵan jylý-elektr ortalyǵy jańǵyrtylady, jylý júktemelerin ulǵaıtý maqsatynda eki qazandyq, aýyz sýmen qamtamasyz etý úshin sý qoımasy salynady. Úıtas, Aıdos, Esqula sý qubyrlarynyń qurylysy aıaqtalady. Tigin , qus fabrıkasy otaý tigip, jeńil ónerkásiptiń damýy jandandyrylady. Qyzylorda jáne Arqalyqpen jalǵastyratyn jańa avtomobıl, sonymen birge Sekseýilge tartylatyn temir jol tarmaǵy Jezqazǵannyń kóliktik-tranzıttik qarym-qatynas ınfraqurylymyn jetildiredi. Munyń syrtynda kommýnaldyq sharýashylyq, turǵyn úı qurylysyn óristetý, qorshaǵan ortany qorǵaýdy jaqsartý baǵytynda atqarylatyn is-sharalar jáne jetkilikti. Al qazba baılyqtardy irkilissiz óndirýdi 60-80 jylǵa deıin uzartýǵa múmkindik týmaqtyǵy qalanyń jarqyn keleshegine kepil sanalady.
Kezinde Qanysh Sátbaev munda kósheleri oqtaı túzý, úıleri bıik te sándi, kórgen jan kelbetine tań qalǵandaı sulý qala bolady dep kóregendikpen boljaǵandaı búgingi Jezqazǵan sondaılyq qalyptaǵy shahar. Mereıli mereke qurmetine el baılyǵyn eselep arttyrýshy mysshy metallýrgterdiń qut mekeniniń juldyzy jarqyraı túsýde.
Arnaıy betti daıyndaǵan «Egemen Qazaqstan» gazetiniń Qaraǵandy oblysyndaǵy menshikti tilshisi Aıqyn NESIPBAI.
