Aldymen mamandar balyq aýlaý erejeleri men qaýipsizdik sharalaryn túsindirdi. Jaıyq jaǵasyna ertemen jınalǵan jas balyqshylardyń bári de oljadan úmitti. Alǵashqy balyq Dosbol Ádilovtiń qarmaǵyna tústi. Jarysta qatysýshylardyń qur qarmaq salyp qarap otyrmaı, jemdi durys tańdaýlaryna, eptilikterine, aýlaǵan balyqtarynyń kólemi men salmaǵyna da nazar aýdaryldy. Nátıjesinde, eń salmaǵy aýyr balyq aýlaǵan Jetkinshek Qultemirov birinshi oryndy jeńip alyp, 80 myń teńge kólemindegi syıaqyǵa ıe boldy. Asylbek Syrymov ekinshi, Dosbol Ádilov úshinshi júldeni ıelendi. Basqa da qatysýshylarǵa arnaıy syılyqtar tabystaldy.
– Jaz mezgilinde jastardyń bos ýaqyttaryn tıimdi paıdalanýlaryna arnap túrli sharalar josparladyq, – deıdi jarysty uıymdastyrýshy, qalalyq jastar resýrstyq ortalyǵynyń basshysy Serik Qadyrov. – Jaıyq jaǵasynda ósken jigitterdiń balyq aýlaýǵa degen qyzyǵýshylyqtary joǵary. Osyndaı baıqaýlar arqyly jastar shyńdalady, jańa dostar tabady, tanymdaryn keńeıtedi. Balyqshylar baıqaýy alda taǵy da bolady.
Baqytgúl BABASh,
«Egemen Qazaqstan»
ATYRAÝ
