Ulttyq birlik – uly jetistik

Men Mońǵolııa qazaqtary­nyń arasynda eldik isterge talaıdan aralasyp júrgen adam­myn. Barlyq quryltaılarǵa qatystym. Bıyl Astanada ótken quryltaıda da Nurekeń salı­qaly sózimen bárimizdi razy etti.  Keshe ǵana Astanadaǵy Táýelsiz­dik saraıynda boldyq. Halqy­myzdyń ıgi jaqsylarymen ara­lasyp-quralastyq. Elbasymyz­dyń jan-júrekti tolǵandyrǵan sózin estidik. Qanattandyq. Meıirlendik. Qazaq eliniń Táýelsizdigi dú­nıege qaıta kelgende jer sha­rynyń qaı tarabynda júrse de boıynda qazaqtyń qany bar adamnyń barlyǵynyń júregine shattyq uıalap, qatty tolǵanǵan edi. Mine, búgin sol  kúdik te, tol­ǵanys ta bári artta qalyp,  atasynda kórmegende botasynda kórip jatyr bizdiń qazaq. Bul jyldar ishinde Elbasymyz qa­zaq­tyń birligin bekemdeý jo­lyn­da uly ister atqardy. Ult­tyq birlik – uly jetistik. Qazaqstan óziniń tuńǵysh Prezıdentin asa kóregendikpen qalap alǵandyǵyn osy 20 jyl ábden dáleldep berdi. Qazaq eli­niń baq talaıyna saı tarıh dúnıege ákelip bergen Nursul­tan Ábishuly Nazarbaev óziniń tereń bilimimen, dana aqyl-oıy­men, joǵary adamgershiligimen, ozyq bastamasymen, batyl ustanymdarymen tórt qubylasy teń basshy ekendigin aıdaı álem­ge tamasha tanytty. Eldiń ahýa­ly, kelbeti osydan 20 jyl buryn qandaı edi, búgin qandaı? Bul elmen tustas táýelsizdigin alǵan basqa elder qazir qandaı kúıde? Bul suraqtarǵa árbir sanaly adam jaýap bere alady. Eń bastysy, Nursultan Nazar­baev­tyń talantty kóshbasshy­ly­ǵynyń arqasynda Qazaqstan óziniń egemendigin batyl she­shim­taldyqpen jeńip alyp, táýel­sizdiktiń barlyq múmkindikterin qamtamasyz etýdiń nátıjesinde qysqa merzimde etek-jeńin jı­yp, talaı tarıhı ǵasyrlarǵa tatyrlyq qaryshty qadammen alǵa tartty. Ásirese, Qudaı betin ary qylsyn, ishki ulttyq jáne saıası qaqtyǵystar men asqynǵan alaýyzdyqtar shyǵyp, eldiń qut-berekesin qashyratyn qasiretti jaǵdaıdyń týynda­ýyna jol bermegendigi árkimdi súıindiretin úlken erlik. Nursultandy bizge Jaratqan Iemiz syılaǵan, tarıh syıla­ǵan, óser eldiń mańdaıyna jaz­ǵan. Nurekeńniń qadamyna ár­daıym qut daryp, halqynyń nurly bolashaǵy jolynda erlikpen, jigermen alǵa basyp, ǵumyr jasy uzaq bolýyn halqy tilep, úlken úmit artyp otyr. Rasynda da, Qazaq eliniń mań­daıyna Nurekeńdi Alla ózi bergen. Ár nárseniń óziniń orny bolady. Kezegi kelgende aıtyl­ma­ǵan sóz jetim demeı me?  Qa­zaq eliniń 20 jyldyǵynda elenbegen eńbek qashan elenedi, osyn­daıda aıtylmaǵan sóz qa­shan aıtylady degen oımen kó­ńilimdegini aqtaryp aıtyp ja­tyr­myn. Mundaǵy taǵy bir oıym eldegi qandastarymyz basyna qandaı baq ornap otyrǵanyn bile tússe degenim. Qazaqtyń  baǵy artyp, mereıi tası bersin. Alystaǵy aǵa­ıyn­daryńyzdyń júrekjardy tilegi osy. Úzben QURMANBAIULY, Mońǵolııa jazýshylar odaǵynyń múshesi,  Mońǵolııanyń eńbek sińirgen baılanysshysy.