Qazaqstan Respýblıkasynyń Bas prokýrory Ashat Daýylbaevtyń MÁLIMDEMESI

Keshe, 2011 jyldyń 16 jeltoqsany kúni saǵat 11.30-da Mańǵystaý oblysynyń Jańaózen qalasyndaǵy merekelik is-shara kezinde bir toptyń qylmystyq áreketi saldarynan jappaı tártipsizdik oryn aldy. Táýelsizdiktiń 20 jyldyq mereıtoıyn merekeleý úshin ortalyq alańǵa jınalǵan beıbit azamattar buzaqylardan quralǵan toptyń shabýylyna ushyrady. Qoǵamdyq tártipti óreskel buzǵan buzaqylar polı­sııa qyzmetkerlerine shabýyl jasap, jańajyldyq shyrshany qulat­ty, merekege baılanysty qoıylǵan otaý men sahnany qıratty jáne polısııanyń avtobýsyn órtep jiberdi. Buzaqylar beıbit tur­ǵyndardy uryp-soǵyp, alańǵa taıaý turǵan avtokólikterge zaqym keltire bastady. Basbuzar top zańsyz áreketti toqtatýǵa shaqyrǵan quqyq qorǵaý organ­darynyń eskertýlerin tyńdamaı, tártip saqshylaryna qarýlaryn tartyp alý maqsatynda shabýyl jasady. Buzaqylar oqpen atatyn jáne sýyq qarýlar qoldandy. Jappaı tártip buzýshylyq kezinde qalalyq ákimdik ǵımaraty, qonaq úıler jáne «О́zenmunaıgaz» kompanııasynyń ákimshilik ǵımaraty órtendi. Sonymen qatar, jeke jáne zańdy tul­ǵalardyń múlikteri qırady, avtokólikter jalynǵa oranyp, bankomattar tonaldy. Aldyn ala málimetterge qaraǵanda, jappaı tártip buzýshylyq saldarynan 10 adam qaıtys boldy, jaralanǵandar arasynda polısııa qyzmetkerleri bar. Jappaı tártipsizdik faktileri boıynsha qylmystyq is qozǵaldy. Memleket basshysynyń tapsyrmasymen Qazaqstan Respýblı­kasynyń Ishki ister mınıstri Q.Qasymov bastaǵan jedel tergeý toby qylmystyq áreketterdiń aldyn alý, jappaı tártipsizdikti uıym­dastyrýshylardy tabý jáne jazaǵa tartý, qaladaǵy qoǵamdyq qaýip­sizdikti qalpyna keltirý maqsatynda Jańaózen qalasyna ushyp shyqty. Bas prokýratýra tártipsizdikti uıymdastyrýshylarǵa olardyń zań aldyndaǵy jaýapkershilikterin eskertip, zań buzýshylyq áreketterdi toqtatýǵa shaqyrady. Quqyq qorǵaý organdary azamattardyń qaýipsizdigi men tynysh­tyǵyn buzatyn barlyq áreketterge tosqaýyl qoıady.