Elbasy jáne el sporty

Táýelsizdiktiń atar tańy da, batar kúni de ony sanaýmen baǵaly emes. Sol kúnderde nendeı ǵanıbet is istediń, halyqqa qaıyrym bolar qandaı jumys oryndadyń, elińe kún sáýlesi aıamaı tógilerdeı bitirgen sharýań qaısy – 20 jyldyń baǵasyn osylar bermek. Eko­nomıka, saıasat, mádenıet taqyryptary basyn qar basqan bir-bir shyń bolǵan­da el namysyn joqtaıtyn da, qorǵaı­tyn da Sport óneri osynaý Táýelsizdik jyldarynyń tynysyn aıqyn sezdiretin dúrs-dúrs soqqan júregi bolǵany jasyryn emes. Olaı bolsa, jıyrmaǵa tolǵan Táýelsiz eldiń talshybyqtaı solqyldaǵan sport óneri jaıly jáne sol ónerdiń mańdaıynan sıpap, arqa­synan qaǵyp, qoltyǵynan demegen qabyrǵaly qaıratker jaıly bolmaq búgingi áńgime. Ol jan – Táýelsiz qazaq eliniń Tuńǵysh Prezıdenti, Elbasy – Nursultan Ábishuly Nazarbaev! Kózi qaraqty janǵa belgili, Táýel­sizdiktiń alǵashqy jyldary burynǵy Keńes Odaǵy kezinde salynyp, paıda­­lanyp kelgen ınfraqurylymdar qysqa merzimde ne tozyp, ne qoldy bolyp, sportymyzdyń damýyna paıdasyn tıgize almaı qaldy. Al, ekonomıkalyq ahýaldyń kúrdeliliginen kóptegen sport nysandary jekeshelendirilip, ásirese buqaralyq sporttyń damýynda qıyn da kúrdeli kezeń ornady. Biraq Elbasy eldik isterdiń biri retinde Qazaqstan halqynyń bolashaǵyna tikeleı tutqa bolatyn bul salany nazardan tys qaldyrǵan joq. Táýelsizdiktiń úshinshi jyly tabaldyryqtan attaǵan sátte-aq Elbasynyń nusqaýymen Qa­zaqstan Úkimeti «Qazaqstan Respýblı­ka­sy­nyń «Qaırat» aýyl dene shynyq­tyrý-sport qoǵamynyń jumysyn jetildirý týraly» №556 qaýlysyn qa­byl­­­­dady. Bul dál sol kúnniń enshisi bolýdan góri el sporty strategııa­sy­nyń kórinisi bolǵan qaýly edi. Al, 1995 jyly Elbasynyń «Qazaqstan Res­pýblıkasynda buqaralyq sportty damytý jónindegi shuǵyl sharalar tý­raly» Jarlyǵy shyqty. Keńes Odaǵy taraǵan kezde shashylyp ketken el sporty endi-endi etek-jeńin jınap, bo­lashaq alynar asýlarǵa mańdaı bu­ryp, álemdik qaýymdastyq kóshinde senimdi qadam jasaı bastaǵan edi. Uza­maı Elbasynyń Jarlyǵymen «Qazaq­stan Respýblıkasynda buqaralyq sportty damytýdyń 1996-2000 jyl­dar­ǵa arnalǵan memlekettik Baǵdarla­masy» qabyldandy. Strategııalyq deıtinimiz sol, jas memleket eń áýeli qaı istiń de tamyryn tereńdetetin sharany qolǵa alýy, sony basym sala etýi qajet bolatyn. Sport salasyndaǵy Táýelsiz eldiń tuńǵysh resmı qaý­ly­lary men jarlyqtary el densaýly­ǵyna degen qamqorlyq – buqaralyq sportty jolǵa qoıýǵa arnalyp jatsa, odan asqan oıly qadamdy tańdaý da, tabý da múmkin emes bolatyn. Munyń bári qurǵaq sóz, jansyz sanamalaýlar emes. Joǵarydaǵy qaýly­lar men jarlyqtardyń aıasynda, sony­men qatar, tikeleı is barysynda ja­salǵan qamqorlyq nátıjesinde, keshe ǵana shańyraq kótergen jap-jas Qazaq eli ózi derbes memleket retinde qatys­qan eki jazǵy Olımpııalyq oıyndarda 200-ge tarta memleket arasynan birinshisinde 24, al kelesisinde 22-shi (!) oryn alyp, aıdy aspanǵa bir-aq shy­ǵardy. Mine, osyndaı tolaǵaı tabys­tar tolqynynda turǵan sáttiń ózinde Elbasy eliniń sportynyń erteńine alańdap, 2001 jyly óziniń №570 Jar­lyǵymen «Qazaqstan Respýblıkasynda dene shynyqtyrýdy jáne sportty da­mytýdyń 2001-2005 jyldarǵa arnal­ǵan memlekettik baǵdarlamasyn» qa­byl­dady. Bul memlekettik baǵdarlama­nyń el sportyn órkendetýge jasaǵan yqpaly orasan: eń áýeli, baǵdar­la­many iske asyrý barysynda sportpen shuǵyldanýshylar sany qaýyrt ósti, sport nysandary kóptep salyndy, bu­rynǵy barlary kúrdeli jóndeýden ót­ki­zildi, jańa zaman talabyna saı kóp­te­gen sport mektepteri ashyldy. Ke­shele­ri ǵana jappaı jabylǵan sport mek­tepteriniń sany elimizde 400-ge taıa­dy. Sporttaǵy daryndy ul-qyzdar­ǵa arna­lyp 15-ke taıaý oblystyq mektep-ınternattar ashyldy. Solardyń al­tyn alqadaı úlgisi − Almaty qala­syndaǵy «Shańyraq» yqsham aýdanyn­daǵy res­pýb­lıkalyq mektep-ınterna­ty. Táýelsizdigin jańadan alyp, erkin el bolýdyń álippesin jańa oqyp jatqan Qazaqstan úshin dúnıeniń bári sportqa kelip tirelip qalǵan joq. Jas el, jańa qadam – derbes memleket retinde óz shekarasyn belgilep alýdan bastap, kórshi memlekettermen, qala berdi alystaǵy alpaýyt eldermen dostyq qatynas ornatýdyń qıyndy­ǵy­nyń ózi qııa jartasqa órmeleýden bir kem emes edi. El ishindegi turmys ahýa­ly, ult pen ultty, ulys pen ulysty tutastyrý taǵy bar. Keńes Odaǵynyń aýzynan ot shashqan kezinde atom bom­basy jınaqtalǵan álemdegi tórtinshi terrıtorııa ekenimiz she? Elbasy osy sharýanyń bárin asqan kóregendikpen birinen soń birin tyndyryp otyrdy. Solarmen birge sport salasyn da nazardan tys qaldyrǵan joq. Asa kúr­deli kezeńde qabyldanǵan sportty da­mytýdyń 1996-2000 jáne 2001-2005 jyldarǵa arnalǵan memlekettik baǵ­dar­lamalaryn júzege asyrýdy qatań baqylaýǵa aldy. Al, bul baǵdarla­ma­lardyń oryndalýy elimizde dene shy­nyqtyrý men sporttyń damýyna erekshe áser etti. Aıtýly kezeńderdegi Qa­zaqstan sporty álemdik kóshtegi ǵala­mat jetistikterimen de tarıhqa altyn áriptermen jazyldy. Olımpıada tu­ǵy­­­ryna V.Smırnov, E.Ibraımov, V.Jırov, B.Jumadilov, A.Parygın, M.Mamyrov, B.Sattarhanov, O.Shıshıgına, M.Dildábekov, Iý.Melnıchenko, B.Artaev, I.Gerlıs, I.Baıramýkov jáne ózgelerdiń qazaq eliniń atynan shyǵýy shyn mánindegi el atyn tórtkúl dú­nıe­ge jarııalaýdyń eren úlgisi boldy. Osynyń báriniń bastaýynda el spor­tyna erekshe mán berip, qamqor bolǵan Elbasynyń uly eńbegi jatyr. Qol jetken jetistikti eshkimniń alyp qoımaıtyny belgili. О́mir ty­nym­syz alǵa jyljýda. Iаǵnı odan qa­lyp qoımaý úshin kezeń saıyn jańa sharalar belgilep otyrý − úzdiksiz damý zańy. Joǵarydaǵy eki baǵdarlama óz mindetin atqardy-aý degen 2006 jyl­dary Elbasynyń Jarlyǵymen «Qa­zaqstanda dene shynyqtyrý men sportty damytýdyń 2007-2011 jyl­dar­ǵa arnalǵan memlekettik baǵdarla­masy» qabyldandy. Bul baǵdarla­ma­nyń óz ereksheligi boldy. Osyǵan deıin azat el retinde álemdik jarys­tar­ǵa, osy saladaǵy baı tájirıbelerdi ortaǵa salǵan jıyn-keńesterge qatysý arqyly Qazaqstan sporty óz aldyna aıasy burynǵydan da keń maqsat qoıýy qajet edi. Ol – el sportyn álemdik úrdisten kem emes dárejede damytý. Iаǵnı, halyqaralyq standarttarǵa saı ınfraqurylym ornatý, álemdik talap­tarǵa jaýap beretin keshendi sport qurylystaryn salý, halyqaralyq nor­matıvtik-quqyqtyq talaptardan aýyt­qy­m­aý, sportty damytýdyń ǵylymı jetistigine súıený, árıne, elimizde sport­tyń kómegimen salamatty ómir saltyn ornyqtyrý arqyly halyq den­saýlyǵyn nyǵaıtý, bir sózben, elimizde jan-jaqty, tórt qubylasy teń memleket qurý ıdeıasy basym baǵyt aldy. Joǵarydaǵy baǵdarlamadan keıin elimizde sportpen shuǵyldanýshylar sany erekshe joǵarylady, salalyq spar­takıadalar, memlekettik keshendi jarystar, oqýshylar, stýdentter, eń­bek­shiler arasyndaǵy buqaralyq ja­rys­tar kóbeıdi. Sonymen qatar, elimizde Qysqy Azııa oıyndaryn ótkizýge sheshim qabyldanyp, Qazaqstannyń sport salasynda tarıhı sahnaǵa shy­ǵar sáti jaqyndady. Jasyratyn túk joq, elimizde Qysqy Azııa oıyndaryn ót­kizýge sheshim qabyl­danyp qoı­­­­ǵan kezeńde álemdik qar­­jy daǵda­ry­sy burq ete qaldy da, kóp elge «baıtal túgil bas qaı­­ǵy» kezeńi kelip jetti. Qazaqstan ekonomıkasy úshin de asa aýyr jyldar bastaldy. Qysqy Azııa oıyndaryn ót­ki­zý qyl ushynda turdy. Sol kezde El­basymyz Elbasyǵa ǵana tán minez ben sheshimdilik tanytyp, Azııa oıyn­daryn ótkizý máselesin kún tártibinen alǵan joq. Elimizdiń Premer-Mınıstri de, sport mınıstri de Elbasynyń bul ba­tyl minezin búginge deıin rıza­shy­lyq­pen qaıtalap aıtýdan jalyqqan emes. Al, VII Qysqy Azııa oıyndary­nyń Al­maty men Astana qalalarynda jar­qy­rap ótkeni bárimiz­diń kóz aldymyzda. Sol Oıyndarǵa barý joly ońaı bolǵan joq. Buǵan deıingi Qazaq­stan­daǵy bar sport qurylystarynda tek Azııadaǵy eń alpaýyt Japonııa, Koreıa, Qytaı ǵana ótkize alǵan Azııa oıyn­da­ryn oınata almas edik. Ol úshin erekshe ınfraqurylym men keremetteı keshendi sport qurylystary qajet edi. Olar qolǵa alynǵan da bolatyn. Biraq álemdik qarjy daǵdarysy qoldy myq­tap baılaǵan da tus osy edi... Taǵy da bári Elbasynyń sheshimdiligine tireldi. Nursultan Ábishuly bastap qoıǵan sport qurylystaryn aıaqtaýǵa esh tol­qýsyz nusqaý berdi jáne osynaý ól­sheý­siz qıyn ekonomıkalyq kezeńde qarjy kózin asha bildi. Nátıjesinde, «Astana-Arena» jabyq fýtbol stadıony, Astanadaǵy «Alaý» muz aıdyny, «Saryarqa» respýblıkalyq velotregi, «Barys» sport kesheni salynyp, «Qazaqstan» sport saraıy kúrdeli jóndeýden ótti. Almatyda ha­lyqaralyq shańǵy tramplınder kesheni, «Alataý» shańǵy jáne bıatlon sta­dıony, «Tabaǵan» sporttyq-saýyqtyrý kesheni salynyp, Balýan Sholaq atyn­daǵy sport saraıy, bıik taýdaǵy «Medeý» sport kesheni, «Shymbulaq» saý­yqtyrý sport kesheni jańasha boı kó­terip, ózderiniń ekinshi tarıhyn bas­tady. Bul atalǵan sport qurylystary tek qysqy Azııadaǵa arnalyp salyndy degen jan qatty qatelesedi. Bul altyn alqadaı sport qurylystary Qazaqstan sekildi jas memlekettiń erteńine qyz­met etpek. Mine, «Astana-Arenamyz­da» iri-iri halyqaralyq fýtbol oıyn­dary ótýde, «Saryarqada» keshe ǵana velotrekten álem Kýbogynyń jarys­ta­ry ótti, «Alaýda» álemdik konkı báı­gesi boldy, Almatydaǵy shańǵy tuǵy­ryn búkil álemniń eń úzdik qanatty shańǵyshylary baıqap ta kórdi. Balýan Sholaq saraıy da, Medeý de, Shym­bu­laq ta álemdik jarystardan bir sát bosaǵan emes. Olaı bolsa, Elbasynyń sol sheshimdi qadamdary men qamqor alaqanynyń arqasynda jas Qazaq memleketine álem sporty kóship kelgendeı bolǵan joq pa? Al, bul – úlgi, bul – tájirıbe, bul – tárbıe mektebi. Búgin­de Táýelsizdiginiń 20 jyldyǵyn ata­ǵaly otyrǵan Qazaqstanda 17 joǵary sport sheberlerin shyńdaý mektebi (onyń 3-i respýblıkalyq), 25 Olım­pıa­dalyq izbasarlar daıarlaý ortalyǵy (onyń 8-i respýblıkalyq), 15 respýblıka sportyndaǵy daryndy bala­lar­ǵa arnalǵan mektep-ınternattar ju­­­mys jasaıdy. Bul – búgingi kúnniń úle­si. Erteńniń baǵdarlamasy munan da mol. Sport óneriniń basty nysanasy – halyq. Buqaralyq sportty memlekettik dárejede damytý maqsaty Qazaq­stan hal­qynyń densaýlyǵyn oılaýdan, el ishinde salamatty ómir saltyn or­nyq­tyrýdan týyp otyrǵany aıqyn. El­basynyń biz sóz etken jarlyq­tary­­­­nyń túp negizinde de osyndaı mem­lekettik qamqor­lyqtar jatyr. Bu­ǵan dálel – Elbasy óziniń jyl saıyn­ǵy Qazaqstan halqyna joldaýlarynda halyq densaýlyǵy, dene shynyqtyrý men sport, salamatty ómir saltyna soq­paı ketken emes. El­basy tapsyr­masymen oryndalǵan «Jol kar­tasy» baǵdarlamasy sheńberinde Qa­zaq­stan Úkimeti el ishinde sporttyń ma­terıal­dyq-tehnıkalyq bazasynyń kú­sheıýine kóp eńbek etti jáne qyrýar qar­jy jumsady. Bul istiń shyńy bolatyn qujat Qazaqstan Respýblıkasy Prezı­dentiniń halyqty saýyqtyrý maqsaty­men 2011-2015 jyldarǵa arnalǵan «Salamatty Qazaqstan» baǵdarlamasy. Bul qoǵamnyń kóp salasyn qamtıtyn úlken qujatta dene shynyqtyrý men sportqa jetkilikti mańyz berilgen. El erteńiniń jol kartasyndaı bul baǵdar­lamynyń sáýlesi molynan túsetin­ kúnder de kelip jetti, mine. Qarap otyrsańyzdar, tabaldyryq­tan attaǵaly otyrǵan Táýelsizdiktiń 20 jylynda Elbasy dene shynyqtyrý men sportty bir sát te nazardan tys qaldyrmaǵan! Al, mundaı qamqor­lyq­qa respýblıka sportshylary da laıyq­ty jaýabyn berýde. Sonaý 1992 jyly Táýelsizdigin jańa alǵan Qazaq eli Barselona jazǵy Olımpıadasy men Albervıldegi qysqy Olımpıadaǵa ta­raǵan Odaqtyń ortaq komandasy qura­mynda qatysty. Nátıjesi – 5 medal. Al, 1994 jyly Lıllehamerde ótken qys­qy Olımpııalyq oıyndarǵa táýel­siz el retinde qatysqan Qazaqstan bul olımpıadadan 3 medal ákeldi. Sony­men qatar, 1996 jyly AQSh-tyń Atlanta qalasynda ótken XXVI jazǵy Olımpııalyq oıyndarǵa da Qazaq­stan jazǵy Olımpıadalar tarıhynda tuń­ǵysh ret táýelsiz el retinde óz ulttyq qurama komandasymen qatysty. Jáne de jer júzin ózderine jalt qarat­ty: Atlanta Olımpıadasynan biz 3 altyn, 4 kúmis, 4 qola júlde jeńip alyp, 200-ge tarta memleket arasynan 24 orynǵa ıe boldyq! 1998 jyly Japonııanyń Nagano qalasynda ótken qysqy Olımpıadadan biz taǵy 2 qola júldemen oral­dyq. Qazaqstan sporty­nyń jul­dyz­­dy shaǵy eki ǵasyrdyń irgesinde Sıd­neıde ótken XXVII jazǵy Olım­pııa­lyq oıyndarǵa tuspa-tus keldi. Alystaǵy jasyl qurlyqtan biz taǵy da 3 altyn, 4 kúmis medal jeńip alyp, endi 22 saty­ǵa shyqtyq! Bul Táýelsizdik­tiń alǵashqy kúninen El­ba­sy qamqor bolyp kelgen qazaq spor­ty­nyń tarıh­qa altyn árip­termen jazyl­ǵan tabysy bolatyn. Munan soń Solt-Leık Sıtı jáne Týrın qysqy Olım­pıa­dalaryna qatys­tyq. Afına (1 al­tyn, 4 kúmis, 3 qola) jáne Beıjiń ( 2 al­tyn, 4 kúmis, 7 qola) jazǵy Olım­pıa­dalarynan ta­bys­ty oral­dyq. Jal­py, Táýelsizdiktiń 20 jy­lynda Qazaq­stan sportshylary tek qana Olımpııa­lyq oı­yndardyń 11 al­tyn, 22 kúmis, 17 qo­la júldesin jeńip alǵan eken. Qazaq eliniń kógildir týy men ánurany álem qalalarynyń tórin­de osynsha ret kó­te­rilip, osynsha ret saltanatpen shyr­qal­dy degen sóz bul! Tipti keshe ǵana Sıngapýrde ótken I jasóspirimder Olım­pıa­dasynda Qa­zaq­­stannyń erteńi bolar jas sport­shy­la­rymyz elimizge 2 altyn, 2 kúmis, 2 qo­la júldemen oraldy. Bul – Elbasy qam­qorlyǵyna jastar jaýaby! Qazaq eli jańa belestiń aldynda tur. Ol – Táýelsizdiktiń jıyrma jy­lyn­da jetken jetistigimizdi aldaǵy ke­zeńde eseleı túsý. Ol úshin de Elbasy men Qazaqstan Respýblıkasy Úkime­ti­niń qamqorlyǵymen úlken-úlken alǵy­sharttar jasalýda. Bıyl tarıhymyzda tuńǵysh ret Qazaqstannyń sporttyq forýmy ótti. Bul búkilhalyqtyq sharada alys-jaqyn shetelderden azýyn aıǵa bilegen mamandar jınalyp, Qa­zaqstan sportynyń qudireti men kemshin tustaryn ortaǵa salyp, bolashaq jospardyń jolyn nusqady. Osy forým aıasynda uzaq jyldar Qazaqstan sportynyń altyn besigi bolǵan «Qaı­rat» erikti sport qoǵamyn jańǵyrtyp, QR Týrızm jáne sport mınıstrligi men QR Aýyl sharýashylyǵy mınıstrli­gi­niń birlesip qabyldaǵan Memorandým­darynyń negizinde «El Qaıraty» «Res­pýblıkalyq aýyldyq dene shynyqtyrý jáne sport qoǵamy» Qoǵamdyq birlestigi quryldy. Aldaǵy kezeńde qos mınıstrlik, qala berdi Qazaqstan Úki­metiniń qamqorlyǵymen osy iste artta qalyp otyrǵan jáne qamqorlyqqa zárý aýyldyq jerlerde sportty jańa zaman talap etken dárejege kóteretinine senim mol. Aýyl-selolarda dene tárbıesi men sporttan qarjy da, kúsh te aıamaı órkendete berý jaıly Elbasymyz tyn­baı tapsyrma berip kele jatqany da kózi qaraqty jandarǵa belgili. Elimizde «Astana» kásipqoı veloklýby, «Astana» kásipqoı basketbol klýbtary qurylyp, Qazaqstan sportshylary júz­degen álem, Azııa chempıonatta­ry­nan, myńdaǵan el birinshilikterinen qal­maı qatysyp jatqanynyń ózi El­ba­synyń syndarly ekonomıkalyq saıa­sa­ty men dana saıası ustanymynyń kó­ri­nisi. Mine, sonyń altyn jemisterindeı bop Táýelsizdik alǵanyna 20 jyl ǵana bolǵan qazaq eliniń óz ishinen úsh dúr­kin álem chempıony shyqty. Ol keshe ǵana aýyr atletıkadan Parıj sahna­syn dúr silkindirgen Syr boıynyń túlegi – Ilıa Ilın! Al Táýelsizdik jyldarynda dúnıe esigin ashqan búl­dir­shindeı qyzymyz Jansaıa Ábdýmálik aqyl oıyny shahmattan álemniń tórt dúrkin chempıony bolyp úlgerdi! El sportyna Elbasy qamqorlyǵy men el sportshylarynyń ol qamqorlyqqa alǵysy osyndaı bop jatsa erteńnen de kúter jeńisterimiz az bolmasy anyq. El sporty jáne Elbasy jaıly bul jazǵandarymyz úlken baıandaýdyń al­tyn alqadaı úzikteri ǵana bolmaq. Búginde elimiz boıynsha boı kótergen keshendi sport qurylystarynyń sany men saltanaty óz aldyna. Tipti osy el Táýelsizdiginiń 20 jyldyǵy qarsańyn­da respýblıka boıynsha 172 jańa sport qurylysy óz esigin halyqqa aı­qara ashqan eken. Mundaı ǵajap kún bir memlekette buryn bolǵan ba?! Olaı bolsa táýbe deıik, rahmet deıik, kóp jasa deıik Elbasymyzǵa. Elimizge de Táýelsizdigimiz baıandy bolsyn degen jarasar. Al, sol úshin siz ben biz, bá­ri­miz, kúsh-qýatymyzdy aıamaı, bir birimizdi Táýelsizdikti kózimizdiń qara­shy­ǵyndaı qorǵaýǵa shaqyrsaq nesi aıyp?! Bir eldiń uly kemesin jıyrma jyl boıy basty baǵytynan burmaı basqa­ryp kele jatqan Elbasymyzdyń qara­paıym adam retinde mynadaı qasıet­te­rine toqtalmasam sporttyń jarysyna qatysyp, onyń basty saltanaty − ma­rapattaýdy kórmegendeı bop qalar oqyr­­mandar. Elbasynyń ózi de naǵyz sport­shy! Tennıs, golf sportynan Nuraǵań­nyń ózi tustastarynyń aldy bolyp júrgenin baspasózden bilemiz. Sonymen qatar, el basqarǵan jannyń ýaqyt taý­yp, kúsh-jiger aıamaı jańa sport qu­rylystarynyń ashylýyna, nebir qyzyq degen sport jarystaryna barýy men alystaǵy Olımpıada­lar­dyń ashylý-jabylý saltanattaryna sapar shegýiniń ózi sol jannyń denesinde janartaýdaı qaınap turǵan kúsh-qýat, rýh bulaǵynyń dáleli. «Táni saýdyń jany saýdy» bul jerde aıtyp qana qoıý jetkiliksiz, sol sózińe óziń senip, óziń úlgi bola bilseń, ǵanıbet. Qazaqstan Respýblıkasynyń Prezıdenti, Elbasymyz Nursultan Ábish­uly Nazarbaev dál sondaı sózin isimen dáleldegen naǵyz sportshy qaı­rat­ker. Bul jaǵynan Qazaqstan hal­qy­nyń mańdaıynyń baǵy bar eken. Elbasy jáne el sporty! Bul Qa­zaq­stan úshin sporttaǵy basty baǵdar­la­ma. Ol baǵdarlamanyń basty nysana­sy – densaýlyǵy myqty, sporttaǵy ta­bys­ta­ry orasan, álem halqynyń kóz al­dynda kógildir týy jáne saltanatty ánura­ny­men elesteıtin bula kúshti, bıik rýhty qazaq memleketiniń búgingi ta­bystaryna eselep tabys qosyp, mań­daı­yn jar­qy­ra­ta berý! Elbasy osy­laı oılaıdy. Siz­der men bizder bul oı­dy odan ári damy­typ, oraıymen iske asyrýshylary bo­lýy­myz qajet. Táýbe, sol kúnderdi birge kórýge jazsyn sizder men bizderge! Nesip JÚNISBAIULY, respýblıkalyq «Sport» gazetiniń bas redaktory, Qazaqstannyń eńbek sińirgen qaıratkeri.