Aqtóbe oblysynda 115 jobanyń jobalaý smetalyq qujattary daıyn emes - G. Súıintaeva

Teatr kıim il­gishten bastalsa, kez kelgen qury­lys eń aldymen  jobalaý-smetalyq qu­jat­tardy ázirleýden bastaý almaq. Aıta­lyq, qazirgi kezde bıýdjetten qar­jy­landyrylatyn áleýmettik jáne ın­fra­qurylymdyq nysandardyń qurylysy boıynsha jobalaý-sme­ta­lyq qujattardyń ýaqytyn soz­baı, mer­ziminde ázirleýdiń róli men jaýap­ker­shiligi joǵary.

О́ıtkeni bulaı bolmaǵan jaǵdaıda áleýmettik nysandardyń júzege asý merz­imi kesheýildeýi nemese múldem tur­ǵyzylmaı qalýy ábden múmkin. Son­dyqtan da óńirdegi oblystyq bas­qar­malardyń basshylary jáne bıýd­jet­tik baǵdarlamalardyń ákimshileri, sondaı-aq jobalaý uıymdary men qurylys ındýstrııasy kásiporyndary basshylarynyń mundaı sylbyr is-áreketke jol bermeýiniń paıdasy men tıimdiligi óte mol.

Áıtse de oblysta jobalaý-smeta­lyq qujattardy ázirleý merzimi saqtal­maı otyr. Bul jóninde  Aqtóbe oblysy ákimi­niń baspasóz qyzmeti habarlady. Iаǵ­nı, 2017 jyldyń jeltoqsan aıynda 2018 jyly bıýdjetten 281 áleýmettik já­ne ınjenerlik ınfraqurylymdar ny­sa­nyna JSQ jasaýǵa qajetti qa­rajat bólingen. Áıtse de búginde ekin­shi jartyjyldyq kezeńi bas­ta­lyp ketkenine qaramastan tabany kúrekteı 115 jobanyń jobalaý smetalyq qujattary ázir bolmaı otyr. Bul jóninde Aqtóbe oblysynyń ákimi Berdibek Saparbaevtyń tóraǵalyǵymen ótken jıynda oblystyq qarjy basqarmasynyń basshysy Gúlqasıma Súıintaeva málimdeme jasady. Buǵan deı­ingi júrgizilgen taldaýlar men sa­­rap­tamalar oryn alǵan jaǵdaı­lar­dyń basty sebepteri – konkýrstyq úderister ótkizý tártibiniń kesh habarlanýy, ári uzaqqa sozylýy. Buǵan qosa bastapqy derekter men tehnıkalyq jaǵ­daılarǵa qatysty jaı-kúıdi usy­nýdyń merzimderi de keshiktirilgen.

Munyń ózi atalǵan istiń basy-qasynda júrgenderdiń qolynda naqty jobalyq-smetalyq qujattar joq degen uǵym-túsinikti bermeı me? Mundaı kórinis áleýmettik nysandar qu­ry­lysyn júrgizý isin jergilikti jáne res­pýblıkalyq bıýdjetten qar­jy tar­týǵa óz kedergisin tıgizbeı tura al­maıdy. Ári atalǵan derektiń ózi jo­balaý-smetalyq qujattardy ázir­leý­­ge jaýapty zańdy tulǵalardyń jaý­ap­kershiligi tómen, atqaryp júrgen is­te­ri sylbyr ekenin aıǵaqtasa kerek-ti.

Aıtalyq JSQ-ny jasaqtaý bary­synda baǵany negizsiz kóterýdi bol­dyr­maýdy udaıy nazarda ustaý isi­­niń de orny aıryqsha. Bul óz keze­gin­de jobalardyń smetalyq qu­nyn tyń­ǵylyqty ári jan-jaqty zert­teý­di qa­jet etedi. Bıýdjettik baǵ­dar­la­ma­lar­dyń ákimshileri máseleniń osy ja­ǵy­na da jetkilikti túrde kóńil aýdar­ma­ǵany ańǵarylady. Sylbyrlyq qa­shan­da istiń nátıjeli aıaqtalýyna ke­der­gi keltiredi.

Temir QUSAIYN,
«Egemen Qazaqstan»