Oǵan qol suqqan basbuzarlardy halqymyz biraýyzdan aıyptaýda
ARANDATÝǴA JOL BERILMEIDI
Jeksenbi kúni Atyraýdaǵy «Isataı-Mahambet» alańynda jurtshylyqtyń qatysýymen mıtıng ótti. Mıtıngke halyq óte kóp jınaldy. Ár túrli salanyń ókilderi bar, munaıshylar da, muǵalimder de, stýdentter de Jańaózendegi oqıǵany aıyptaǵan pikirlerin bildirdi. Aldymen sóz alǵan eńbek ardageri Keńes Qosybaev «Jańaózen qalasyndaǵy oqıǵa Qazaqstannyń táýelsizdigi arqyly qol jetkizgen jetistigimizge, eldiń birligi men yntymaǵyna nuqsan keltire almaıdy. Biz eldiń turaqtylyǵyna syna qaqqysy kelgen arandatýshylar áreketine jol bere almaımyz», dedi. H.Dosmuhamedov atyndaǵy Atyraý ýnıversıtetiniń stýdenti О́sıla Armanqyzy «Jańaózendegi oqıǵa arandatýshylardyń áreketi, muny erkin eldiń erteńi –jastar eshqashan qoldamaıdy. Biz el ishindegi birlik pen yntymaqtyń buzylmaǵanyn qalaımyz. Biz úshin eń basty qundylyq – Qazaq eliniń táýelsizdigi. Biz ony kózimizdiń qarashyǵyndaı saqtaýymyz qajet», dedi. – Biz búgingi eńbegimizdiń jemisin balalarymyz, keıin urpaq kórse eken deımiz. Sol sebepten, eldiń birligin saqtap, keleshek urpaq úshin ónege bolarlyq is jasaıyq, –dedi Isataı aýdanyndaǵy «JaıyqMunaıGaz» basqarmasynyń munaıshysy Qojantaı Sydıyqov. Mıtıngke qatysýshylar Mańǵystaý jurtshylyǵyna arnalǵan úndeý qabyldady. Joldasbek ShО́PEǴUL. Atyraý oblysy.
