Aqjoldyqtar – ońtústikte júr

Qazaqstannyń «Aq jol» demokratııalyq partııasy tóraǵasynyń orynbasary Bóri­han Nurmuhamedov bastaǵan bir top aq­joldyqtar Ońtústik óńirdegi júzdesýlerin rýhanı astana – Túrkistannan bastady. Qazaqty el qylǵan, memleketiniń negizin qalap, bútindigin saqtap qalǵan uly arýaq­tarǵa zııarat etken olar Túrkistan halqy­men kezdesýde ózderiniń saılaýaldy tuǵyr­namasyn keńinen tanystyrdy. “Aq jol” – halyqtyń úmitin jalǵap otyr­ǵan partııalardyń biri, – deıdi partııa­nyń Túrkistan fılıalynyń tóraǵasy Musa Pátteev. – Qazaqstan – álemdegi paıdaly qazbalarǵa, shıkizatqa baı el desek, onyń negizgi ıgiligin sheteldik kásiporyndardyń attóbelindeı ókilderi emes, jergilikti turǵyndar kórýi kerek. Sonymen qatar, jastardyń jumyssyzdyq deńgeıin azaıtý máselesimen belsendi aınalysady. Otyrar aýdanynda jalǵasqan kezdesýde B.Nurmuhamedov bilim berý, densaýlyq saqtaý salalary jumysyn jaqsartý, sot júıeleriniń táýelsizdigin qamtamasyz etý, kásipkerlikti qoldaý, jumyssyzdyqty azaıtý jónindegi oılaryn tarqatty. – Men “Aq jol” partııasyn kásip­ker­lik­ke úlken qoldaý kórsetkendigi úshin tań­da­dym, – deıdi “Tórebek” JShS-iniń tóraıy­my, Ońtústikke belgili kásipker Baıan Narbekova. – Jumys jaǵdaıymen Qytaıda san ret boldym. Onda shaǵyn jáne orta bızneske úlken kóńil bólinip, jergilikti bılik jumysyn negizsiz teksermeýge on jyldaı ýaqyt bólinedi eken. Al, bizde mansabyn paıdalanyp, óktemdik kórsetetinder kóp. Kóptegen sharýashylyqtar jumysyn bastamaı jatyp, jabylyp qalady. Sondyqtan, úsh jylǵa deıin teksermeý jóninde keńdik berilýi kerek dep oılaımyn. Jeńildetilgen nesıelerdiń paıyzy tómen bolsa, sharýa­shy­lyqtar aıaǵynan tez turyp keter edi. “Aq jol” partııasynyń osy baǵyttaǵy usta­nymy kóńilimizden shyǵady. Jalpy, kúni búginge deıin aqjoldyqtar elimizdiń birqatar oblystarynda saılaý­shy­larmen kezdesýler ótkizip úlgerdi. Sol júz­desýler barysy kórsetkenindeı, kópshi­likti áleýmettik máseleler tolǵandyra­tyny belgili bolyp otyr. Olardyń qatarynda kommý­nal­dyq qyzmet kór­setý qunynyń qymbat­shy­lyǵy, jumys­syz­dyq jáne turǵyn úımen qam­tamasyz etilmeý problemalary bar.  Baqtııar TAIJAN. Ońtústik Qazaqstan oblysy.