Árbir týǵan bala úshin mıllıon teńge

Qazaqstan sosıal-demokra­tııa­lyq «Aýyl» partııasynyń ókil­de­ri qazirgi kúni elimizdiń ár túk­pi­rinde ózderiniń saılaýaldy ju­mys­taryna baılanysty úgit-na­sı­hat jumystaryn barǵan saıyn óristete túsýde. Olar eńbek uj­ym­darymen, qala jáne aýyl tur­ǵyndarymen kezdesip, osy kezdesý barysynda ózderiniń saı­laý­aldy tuǵyrnamasynda kóterilgen máse­lelerdi halyqqa jetkizip jáne ol týraly túsinikteme berýde. Osyndaı jınalystardyń biri keshe Qostanaı qalasyndaǵy oblystyq kásipodaqtar keńesiniń ǵımaratynda bolyp ótti. Munda partııa músheleri qala jurtshy­lyǵymen jáne kásipodaq belsendilerimen kezdesti. Kezdesýde Qos­tanaı qalalyq máslıhatynyń depýtattyǵyna kandıdat jáne partııanyń osyndaǵy bólim­she­si­niń jetekshisi Sábıt Esmuratov ob­lystyq partııa uıymynyń osy­ǵan deıingi jumys qorytyn­dy­la­ry men aldaǵy mindetteri týraly áńgime qozǵasa, «Aýyl» partııa­sy­nyń atynan Parlament Májilisi depýtattyǵyna kandıdat retinde tir­kelgen Nına Sangına partııa­nyń saılaýaldy baǵdarlamasy týraly aıtyp berdi. «Aýyl» partııasynyń maqsa­ty, kandıdattyń aıtýynsha, adam­darǵa jaqyn jáne túsinikti. Ol – eldiń barlyq azamattarynyń jo­ǵa­ry turmys deńgeıine qol jetkizý, olardyń quqyqtary men bos­tan­dyqtaryn shynaıy túrde qam­tamasyz etý. «Aýyl» partııasy osyndaı je­tistikterge qol jetkizý úshin bir­qatar naqty sharalardy belgilegen. Sonyń ishinde olar elimizde jańa týǵan ár bala úshin ata-anasyna 1 mıllıon teńge kómek­pul tólep, otbasynyń turǵyn úı salýyna uzaq merzimdi jáne syı­aqy paıyzynsyz nesıe alýy úshin kúresetin bolady. Sondaı-aq tó­men­gi jalaqyny 50-75 myń teń­ge­ge, dárigerler men muǵalimderdiń jalaqysyn 150 myń teńgege deıin kóterý jóninde usynys jasamaq. Suńǵat ÁLIPBAI.