Depýtattyń sózinshe, onyń jańa Ata zań jobasyn qoldaýdaǵy ustanymy Qazaqstan qoǵamynyń búgingi ómir súrý ahýalyn jáne azamattardyń naqty suranystaryn túsinýge negizdelgen.
«Qoǵamdyq jáne parlamenttik jumysta adamdar memleketten túsinikti erejeler, bárine birdeı qarym-qatynas pen erteńgi kúnge degen senimdilikti kútedi. Bul úmit Ata Zańda qandaı qundylyqtar men qaǵıdattar bekitilgenine tikeleı baılanysty», dedi ol.
Sergeı Ponomarev usynylǵan túzetýlerdiń ózeginde adam men azamattyń quqyqtary men bostandyqtaryn qorǵaý turǵanyn atap ótti.
«Jańa Konstıtýsııanyń jobasy dál osy logıkaǵa qurylǵan. Ol adam quqyqtary kepildikteriniń birtutas júıesin qalyptastyrady jáne deklarasııalarmen shektelmeı, olardy qorǵaýdyń naqty tetikterin jasaıdy», dedi depýtat.
Baqyt Nurmuhanov: Jańa Konstıtýsııanyń jobasynda ótpeli erejeler naqtylandy
Onyń aıtýynsha, jańa Ata zań jobasy memlekettik damýdyń turaqty ári jaýapty modelin qalyptastyryp, qoǵamdyq suranysqa jaýap beredi. Qujat bolashaq urpaq aldyndaǵy jaýapkershilikti sezinetin uzaq merzimdi perspektıvaǵa baǵyttalǵan. Bul qorshaǵan ortany saqtaý, qoǵamdyq qaýipsizdik, turaqty ekonomıka men áleýmettik turaqtylyqty ózara tyǵyz baılanysty qundylyqtar retinde qarastyrýdy kózdeıdi.
Serik Egizbaev: Jańa Konstıtýsııa qoǵam suranysyna jaýap beredi
Depýtat jańa Konstıtýsııa jobasyndaǵy mańyzdy baǵyttardyń biri azamattyq qoǵamnyń rólin kúsheıtý ekenin de atap ótti.
«Qoǵamdyq birlestikter qyzmetiniń erkindigi jáne azamattardyń qoǵamdyq ómirge qatysý múmkindikterin keńeıtý turaqty dıalog pen qoǵamdyq baqylaý úshin jaǵdaı jasaıdy. Bul basqarý júıesin ashyq ári túsinikti etedi, al qabyldanatyn sheshimder salmaqty bola túsedi», dedi ol.
Sergeı Ponomarev qoǵamdyq kelisim men birlikti nyǵaıtýdyń aıryqsha máni bar ekenin de tilge tıek etti.
«Ár adamnyń qadir-qasıetin qurmetteý, teń quqyqtyq pen qoǵamdyq úderisterge belsene qatysý turaqtylyq pen qaýipsizdiktiń berik negizin qalaıdy», dedi depýtat.
Assambleıa jastary jańa Konstıtýsııa jobasyna qoldaý bildirdi
Sóz sońynda ol jańa Konstıtýsııa jobasyn qoǵamnyń naqty talap-tilegin aıqyn kórsetetin, Memleket basshysy aıqyndaǵan basymdyqtarǵa saı keletin pysyqtalǵan ári birtutas qujat retinde baǵalady.
«Ol qazirgi jáne bolashaq urpaqtyń múddesin eskere otyryp, memlekettiń adam quqyqtary, ekonomıka, qaýipsizdik jáne áleýmettik saladaǵy jaýapkershiliginiń aıqyn baǵdarlaryn qalyptastyrady. Usynylǵan joba pysyqtalǵan ári teńdestirilgen, sondyqtan ony búkilhalyqtyq referendýmǵa shyǵarýǵa bolady», dep túıindedi Sergeı Ponomarev.
