Foto: Joǵarǵy sot
Istiń mán-jaıy:
2006 jylǵy qyrkúıekte Almaty qalasynda úsh adam taksı júrgizýshisi retinde Qyrǵyzstan azamatyn kólikke otyrǵyzǵan. Keıinnen ol áıeldi býyndyryp, óltirip, onyń jeke zattaryn urlaǵan. Al máıitti «Almaty – Qapshaǵaı» tasjolyna tastaǵan.
2007 jyly eki sybaılas sottalǵan, alaıda úshinshi tulǵaǵa qatysty is júrgizý toqtatylǵan. Qylmystyq is muraǵatta bolyp, zań tártibine qaıshy tásildermen ótken jyldardaǵy ashylmaǵan kisi óltirýler tizimine engizilmegen.
Aqmola oblysynda tórt birdeı týysyn óltirgen kúdikti psıhıkalyq esepte turǵan
Prokýrorlyq qadaǵalaýdyń róli:
Bul jasyryn qylmysty Almaty oblysy prokýratýrasynyń qyzmetkerleri Aıda Imanalıeva men Alııa Sarsekeeva júrgizgen muqııat taldamalyq jumysynyń nátıjesinde anyqtaldy.
О́tken jyldardaǵy isterge júrgizilgen monıtorıng barysynda olar negizsiz toqtatylǵan is pen qylmyskerdi izdestirýde tıisti baqylaý bolmaǵanyn anyqtaǵan.
Aqtóbede áıelin óltirip, ózine qol salǵan er adamnyń isi toqtatyldy
Prokýratýra qyzmetkerleri derekter bazalaryna jan-jaqty salystyrý júrgizip, qosymsha málimetter suratý arqyly kúdikti «K»-nyń Qarasaı aýdanynda naqty ornalasqan jerin anyqtady
«Imanalıeva men Sarsekeevanyń bastamashylyǵy men kásibıliginiń arqasynda ádildik qalpyna keltirildi. Olar tergeý organdaryna naqty nusqaýlar berip, tergeý barysyn erekshe baqylaýǵa aldy», delingen Almaty oblysy prokýratýrasy taratqan habarlamada.
Nuraı Serikbaıdyń isi «Asa qatygezdikpen kisi óltirý» babyna ózgertildi
Nátıje jáne jaýapkershilik:
2025 jyldyń 9 shildesinde kúdikti ustalyp, dáleldemeler jınalǵannan keıin is sotqa joldanǵan.
2026 jyldyń 24 aqpanynda sot aıyptaý úkimin shyǵaryp, kináli 16 jylǵa bas bostandyǵynan aıyryldy.
Úkim zańdy kúshine engen joq.
