«2026 jylǵy 28 aqpanda bastalǵan áskerı is-qımyldar toqtatyldy», dep jazdy Tramp О́kilder palatasynyń spıkeri Maık Djonson men Senat tóraǵasynyń mindetin ýaqytsha atqarýshy Chak Grasslıge jazǵan hatynda.
Alaıda hatta soǵystyń tolyq aıaqtalmaǵanyn meńzeıtin málimdeme de boldy.
«AQSh-tyń Iran rejımine qarsy operasııalarynyń sátti ótkenine jáne turaqty beıbitshilik ornatý baǵytyndaǵy jalǵasyp jatqan kúsh-jigerge qaramastan, Irannyń AQSh pen bizdiń qarýly kúshterimizge tóndiretin qaýpi áli de aıtarlyqtaı», dedi prezıdent.
1973 jylǵy áskerı ókilettikter týraly qararǵa sáıkes, AQSh prezıdenti áskerı is-qımyldardy tek 60 kún júrgize alady. Osy merzimnen keıin ol soǵysty toqtatýy nemese «shuǵyl áskerı qajettilik» jaǵdaıynda Kongresten taǵy 30 kúnge uzartýdy suraýǵa tıis.
Trampqa qastandyq jasamaq bolǵan kúdikti ómir boıyna sottalýy múmkin
30 sáýirde CBS News amerıkalyq sheneýnikterge silteme jasap, AQSh-tyń Iranǵa qarsy soǵysqa jumsaǵan naqty shyǵyndary Pentagon jarııalaǵan 25 mıllıard dollardan eki ese kóp ekenin habarlady. Bir kún buryn AQSh Qorǵanys mınıstrliginiń qarjy dırektory Djýls Hıorst kongressmenderge resmı shyǵyn kólemi 25 mıllıard dollar ekenin aıtqan. Alaıda CBS News derekkózderi bul esepke joıylǵan jáne zaqymdanǵan tehnıka men amerıkalyq áskerı bazalarǵa keltirilgen shyǵyn kirmeıtinin málimdedi.
Demokrat senator Krıs Kýns ta resmı baǵalaýdy tym tómendetilgen dep atap, oǵan sońǵy eki aıda aımaqtaǵy áskerdi ustaýǵa ketken shyǵyndar engizilmegenin aıtty.
Infraqurylymdy joıý qaýpi: Tramp Iranǵa taǵy da ses kórsetti
Budan bólek, BAQ málimetinshe, Donald Tramp Iran ekonomıkasyn munaı eksportyn shekteý arqyly tunshyqtyrý maqsatynda uzaq merzimdi teńiz blokadasyna daıyndyq júrgizýdi tapsyrǵan.
