«Jańa Konstıtýsııa jobasyna baılanysty respýblıkalyq referendým – Prezıdentimiz Qasym-Jomart Kemeluly Toqaevtyń eldi aýqymdy ári júıeli jańǵyrtý baǵdaryn iske asyrý jolyndaǵy tarıhı kezeń. Elimizdiń bolashaǵyna qatysty mańyzdy sheshimderdi azamattardyń tańdaýyna súıene otyryp qabyldaý demokratııa qaǵıdattaryna adaldyqtyń aıqyn kórinisi ekeni anyq. Konstıtýsııalyq reformanyń basym mindeti – Táýelsizdikti nyǵaıtý jáne azamattardyń ál-aýqatyn arttyrý. Osyǵan baılanysty jańa Konstıtýsııa jobasynda zań ústemdigi men quqyqtyq tártipti kúsheıtýge, azamattardyń quqyqtary men múddelerin qorǵaýǵa, sondaı-aq, eldiń ornyqty damýyna basymdyq berilgen», dedi Máýlen Áshimbaev.
Ol sondaı-aq damýdyń negizgi baǵdary – adam kapıtalyn jetildirý, memlekettilikti, Táýelsizdik pen egemendikti nyǵaıtý, sondaı-aq, ishki saıası turaqtylyq pen qoǵamdyq kelisimdi saqtaý Konstıtýsııa jobasynda naqty belgilengenin tilge tıek etti.
Oljas Bektenov: Jańa Konstıtýsııa – bolashaqtyń strategııalyq tańdaýy
«Jańa Konstıtýsııanyń basty ereksheligi onyń adamǵa baǵdarlanýy ekenin aıryqsha atap ótken jón. Azamattardyń quqyqtary men múddelerine nazar aýdarý memlekettik saıasattyń ózegine aınalyp otyr. Ata zań jobasynda adam quqyqtary deklaratıvti ereje emes, mańyzdy qaǵıdattar jáne naqty mindetter retinde qarastyrylǵan. Bul – sapaly bilimge qoljetimdilik, tıimdi densaýlyq saqtaý júıesi, áleýmettik qorǵaý jáne ár azamattyń óz áleýetin iske asyrýyna múmkindik berý sekildi baǵyttardy qamtıdy. Osy qaǵıdattardy júzege asyrý barlyq ınstıtýttardyń – Quryltaıdyń, Úkimettiń, ákimdikter men máslıhattardyń, sondaı-aq, azamattyq qoǵam ókilderiniń birlesken kúsh-jigerin talap etedi. Mundaı qadamdar – el ıgiligi jolyndaǵy ortaq jaýapkershiliktiń jarqyn kórinisi ekeni anyq», dedi Palata Tóraǵasy.
Máýlen Áshimbaev sondaı-aq óńirdegi kásiporyn jumysshylarymen jáne sharýalarmen kezdesti. «Hılnıchenko jáne K» sharýa qojalyǵyndaǵy talqylaýdyń kún tártibinde – ınklıýzııa, etnosaralyq kelisim jáne azyq-túlik qaýipsizdigi jónindegi ózekti máseleler qamtyldy.
Aıda Balaeva: Prezıdent – jańa Konstıtýsııanyń negizgi avtory
Parlament depýtattary «Asar» sporttyq-ońaltý kesheniniń ınfraqurylymymen jáne «ASMA Industrial ltd» ónerkásip akkýmýlıatorlaryn shyǵaratyn zaýyttyń qyzmetimen tanysty.
Koalısııa músheleri Atyraý oblysynyń stýdentterimen jańa Konstıtýsııa jobasyn talqylady
