Jıynǵa qatysýshylar jańa Konstıtýsııa jobasyn biraýyzdan qoldap, onyń negizgi qaǵıdalaryn keńinen túsindirý men qoǵamdyq talqylaýǵa jastar uıymdarynyń belsendi atsalysýynyń mańyzyn erekshe aıtty. Sonymen qatar, birlik, kelisim jáne azamattyq jaýapkershilik qundylyqtaryn ilgeriletý qajettigine nazar aýdaryldy.
«Assambleıa jastary» RQB tóraǵasy, Konstıtýsııalyq reforma jónindegi komıssııa múshesi Tımýr Djýmýrbaev jańa Konstıtýsııa jobasy halyq múddesin shynaıy beıneleıtinin atap ótti. Onyń aıtýynsha, bul qujat jastardy sheshim qabyldaý úderisterine belsendi tartýǵa jol ashyp, jastar uıymdarynyń jalpyulttyq dıalogty damytý men el birligin nyǵaıtýdaǵy rólin kúsheıtedi.
«Aýyl» partııasy Qaraǵandy oblystyq fılıaly jańa Konstıtýsııa jobasyn qoldady
Stýdenttik Assambleıalar tóraǵasy Aleksandr Ýrmashov stýdenttik qaýymdastyq atynan sóz sóılep, konstıtýsııalyq bastamalardy jastar arasynda talqylaý olardyń sanaly azamattyq ustanymyn qalyptastyryp, el bolashaǵyna degen jaýapkershiligin arttyratynyn jetkizdi.
BQO boıynsha «Assambleıa jastary» RQB ókildiginiń tóraǵasy Elgýn Djanalıev óńirlik jastar uıymdarynyń quqyqtyq dıalog mádenıetin damytýdaǵy róline toqtalsa, Pavlodar oblystyq ókildik tóraǵasy Ramıl Smaılov jańa Konstıtýsııa jobasy ǵylym men bilim qundylyqtaryn nyǵaıtýǵa jáne adamı kapıtaldy damytýǵa jańa múmkindikter beretin mańyzdy platforma ekenin aıtty.
Jańa Konstıtýsııada ótpeli kezeńniń barlyq rásimderi naqty jazylady
Astana qalasyndaǵy ókildik tóraǵasy Larısa Pak qoǵamdyq-saıası reformalardy talqylaýda ashyq pikirtalas pen ınklıýzıvti ózara is-qımyl alańdarynyń mańyzyn jetkizdi.
Jıyn qorytyndysynda jańa Konstıtýsııa jobasyn qoldaýǵa baǵyttalǵan «Assambleıa jastary» RQB úndeýi qabyldandy.
«Biz, «Assambleıa jastary» respýblıkalyq qoǵamdyq birlestiginiń músheleri, elimizdiń bolashaǵy úshin tarıhı jaýapkershilikti tereń sezine otyryp, jańa Negizgi zań jobasyn biraýyzdan jáne tolyq qoldaımyz. Qazaqstan jastary úshin jańa Konstıtýsııany qabyldaý erekshe mańyzdy, ári sheshýshi mánge ıe. Bul – tek búgingi kúnge ǵana emes, eń aldymen keleshek urpaqqa arnalǵan mańyzdy qujat.
Bizge, jastar úshin, bul – ózin-ózi júzege asyrý múmkindikterin keńeıtýdiń, qoǵamdyq ómirge belsendi qatysýdyń jáne el damýyna jaýapkershilikpen atsalysýdyń berik negizi. Konstıtýsııa jobasy – adamdy basty qundylyq retinde aıqyndaıtyn, kemeldengen, ornyqty memlekettiń málimdemesi. Jańa Negizgi zańnyń ózeginde adamǵa baǵyttalǵan qaǵıdat alynǵan.Memleket «Zań men Tártip» qaǵıdatyna myzǵymas adaldyǵyn rastaıdy, al Ádiletti Qazaqstan ıdeıasy búkil konstıtýsııalyq qurylymnyń ıdeologııalyq negizi retinde qalanady.
Strategııalyq basymdyqtar retinde adamı kapıtaldy, bilim berýdi, ǵylym men ınnovasııany damytýdy aıqyndaý usynylady. Bul tujyrymnyń astarynda mańyzdy baǵyt bar – eldiń basty resýrsy retinde bilimniń rólin kúsheıtý. Bul Qazaqstannyń qandaı damý jolyn tańdaǵanyn jáne qoǵam ómiriniń negizine qandaı qundylyqtar qalanatynyn aıqyn kórsetetin naqty belgi. Biz úshin Konstıtýsııa jobasynda jaýapty ári jasampaz patrıotızm ıdeıasynyń memleket negizin quraıtyn basty qaǵıdattardyń biri retinde kórinis tabýy erekshe mańyzdy. Dál osy jasampaz patrıotızm, eńbekqorlyq pen maqsatqa umtylýshylyq qazirgi jastar úshin tabysqa bastaıtyn negizgi baǵdar bolýy tıis. Osyǵan baılanysty biz elimizde júrgizilip jatqan reformalardy biraýyzdan qoldaıtynymyzdy nyq senimmen málimdeımiz jáne Qazaqstan jastaryn jańa Konstıtýsııa jobasyn qoldaýǵa shaqyramyz», delingen úndeýde.Bas redaktorlar klýby jańa Konstıtýsııa jobasyn qoldaıtynyn málimdedi
