Men Uly Otan soǵysyna qatysyp, ot pen oqtyń ortasynda talaı ret ólim aýyzynan aman qalǵan adammyn. Jıyrma jyldaı oblystyń ardagerler keńesin basqardym. Jasym seksenniń seńgirine kelse de jumystan qol úzbedim. Sońǵy bir-eki jylda aýyr syrqat tap boldy. Moıyndadym, bir aıaqty kesýge týra keldi. Bári sátti boldy. Qatarǵa qosylyp kelemin. Shirkin-aı, osyndaı sátterde solar úshin eshteńeni aıamaǵan keıbir jas urpaqtarymyzdyń qylyqtary qynjyltady. Búkil álem aldynda uıat bolatyndaı jaǵdaıǵa tap boldyq. Halqymyz ata-baba armany táýelsizdikke qol jetkizip shat-shadyman ómir súrip jatqanda mundaı keleńsizdikke, buzaqylyqqa barý baryp turǵan aqymaqtyq. Aqylsyzdyq. Keıbir jastardyń sana-seziminiń taıazdyǵy. Sondyqtan ondaılar tıisti jazasyn alýy kerek. О́rken jaıyp ósip, qaryshty qarqynmen damyǵan elimizdi kóre almaıtyndardyń bar ekenin bárimiz de bilýimiz kerek. Qara nıetti adamdardyń aldap-arbaýyna túspeýdi oılaý qajet. Bul rette Elbasynyń beıbit halyqtyń qaýipsizdigin saqtaý úshin Jańaózen aýmaǵynda tótenshe jaǵdaı jarııalaýy óte durys boldy. Bul ári tynyshtyqty saqtaýǵa, ári buzaqylyqtardy izdep-taýyp, tıisti jazaǵa tartýǵa múmkindik beretin shara. Aldaǵy ýaqytta da qarapaıym halyq zardap shekpeýi úshin barshamyz da qyraǵy bolaıyq.
T.IGILIKOV, Uly Otan soǵysynyń ardageri.
JAŃAО́ZEN.
