Ústimizdegi jyly oblys boıynsha 727 mektep oqýshysyna qajetti sómkeler men oqý quraldary tabys etildi. Kókshetaý qalalyq bilim bólimi daıyndaǵan arnaıy tizimge áýel basta 250 bala engizilgen eken. Imandylyqtyń ısharasyndaı jan jylýyn tókken qamqorlyqtyń arqasynda oblys ortalyǵynda 270 balaǵa oqý quraldary syılansa, 142 oqýshy mektep formalaryna ıe boldy.
– Musylmannyń qyryq paryzynyń bireýi – bilim alý. Biz ár jyl saıyn jetkinshekterdi bilim jolyna baǵyttaý maqsatynda osyndaı qaıyrymdylyq sharalaryn uıymdastyrýdy dástúrge aınaldyrýdamyz, – deıdi Qazaqstan musylmandary dinı basqarmasynyń Aqmola oblysy boıynsha ókili Qýanysh Sábıt.
Qaıyrymdylyq aksııasyna kóptegen kókshetaýlyqtar shyn nıetterimen óz úlesterin qosty. «Zeket» qaıyrymdylyq qory da ımandy isten shet qalmaı, belsendilik tanytty. Adamdardyń bir-birin jebeı júrgenge ne jetsin?!
Baıqal BAIÁDIL,
«Egemen Qazaqstan»
Kókshetaý
