Boks • 30 Tamyz, 2018

Golovkın-Alvares jekpe-jegin «Qazaqstan», «Qazsport» telearnalary tikeleı efırde kórsetedi

441 ret

kórsetildi

1 mın

oqý úshin

15 qyrkúıekte Las-Vegasta (AQSh, Nevada) orta salmaqtaǵy WBA (Super), IBO, WBC jáne IBF tujyrymdary boıynsha Álem chempıony, qazaqstandyq kásipqoı boksshy Gennadıı Golovkın (39-0, 34 KO) men meksıkalyq Saýl «Kanelo» Alvares (49-1-1, 34 KO) arasynda jekpe-jek ótedi. Otandasymyzdyń jekpe-jegin «Qazaqstan» jáne «Qazsport» telearnalary tikeleı efırde kórsetedi.

Egemen Qazaqstan

Golovkın-Alvares jekpe-jegin «Qazaqstan», «Qazsport» telearnalary tikeleı efırde kórsetedi

Aıta keteıik, Saýl «Kanelo» Alvareske qarsy jekpe-jekte Gennadıı Golovkın orta salmaq dárejesindegi WBA (Super), IBF jáne IBO chempıondyq ataqtaryn qorǵaıdy. Sondaı-aq, meksıkalyq «The Ring» jýrnalynyń belbeýin báske tigedi.

Birde-bir ret jeńilip kórmegen Gennadıı Golovkın sharshy alańda 39 jekpe-jek ótkizip, 34-in nokaýtpen aıaqtaǵan. Otandasymyz 2014 jyldyń maýsymynan bastap WBA nusqasy boıynsha sýperchempıon, 2011 jyldan bastap IBO nusqasy boıynsha Álem chempıony, 2015 jyldan bastap IBF nusqasy boıynsha Álem chempıony tıtýldaryna ıe. Al, 2016 jyly Saýl «Kanelo» Alvarestiń jekpe-jek ótkizýinen bas tartqannan keıin WBC nusqasy boıynsha Álem chempıony atanǵan edi.

«Qazaqstan» korporasııasy Genadıı Golovkınniń barlyq jekpe-jekterin turaqty túrde kórsetip keledi. Osy kúnge deıin «Qazaqstan» jáne «Qazsport» telearnalary Qazaqstan aýmaǵynda 10-nan astam jekpe- jegin tikeleı efırde taratqan.

Jyldyń basty jekpe-jegin 16 qyrkúıekte «Qazaqstan» jáne «Qazsport» telearnalarynyń tikeleı efırinde kórsetiledi.

Sondaı-aq, Golovkınniń jekpe-jegin “Qazaqstan TV” mobıldik qosymshasy arqyly kórýge bolady.