- Jyl saıyn mundaı depozıtter kúzde, balalar mektepke barǵanda kezde eń jıi ashylady. Dál osy ýaqytta ata-analar ul-qyzdarynyń ósip kele jatqanyn túsine otyryp, olardyń bolashaǵyna qarjylaı kómek kórsetýdi qolǵa alady. Aı saıyn Turǵyn úı qurylys jınaq bankindegi depozıtke az-azdan aqsha salyp otyrady. Otbasylyq bıýdjetke bul asa qatty áser ete qoımaıdy, esesine keıin balaǵa baspana alyp berý múmkindigi paıda bolady. Men 6 jastaǵy balasynyń shotynda 10,3 mln teńgeniń basyn quraǵan jáne ary qaraı aqsha jınap jatqan ata-anany bilemin. Bank te depozıttegi somaǵa jyl saıynǵy memleket syılyqaqysyn jáne bank syıaqysyn aýdaryp, tıimdi qoldaýyn kórsetip otyr. Osy eki bonýsty qosqanda, salym boıynsha jyldyq tıimdi mólsherleme 13,3%-ǵa deıin barady, - dep túsindirdi Turǵyn úı qurylys jınaq banki basqarma tóraıymy Lázzat Ibragımova.
18 jasqa tolǵan barlyq bank salymshylary taǵy bir tıimdi usynysqa qol jetkizedi, atap aıtqanda jyldyq mólsherlemesi 3,5-5% aralyǵyndaǵy turǵyn úı zaımynan úmitker bola alady.
Depozıtti balanyń atyna kez kelgen jerde, kez kelgen ýaqytta ashýǵa bolady. Ol úshin bank keńesshisin shaqyrý múmkindigi qarastyrylǵan. Depozıt ashý úshin ata-ananyń biriniń jeke kýáligi men balanyń týý týraly kýáligi qajet.
14 jasqa deıin balanyń atyna depozıtti ata-ana resimdeıdi. 14 jastan bastap shotty balanyń ózi ashady, tek ákesiniń nemese anasynyń kelisimi qajet.
