«Eń áýeli, Qazaqstanǵa jáne qurmetti Nursultan Ábishulyna Túrkitildes memleketteri yntymaqtastyq keńesinde sátti tóraǵalyq etkeni úshin erekshe alǵysymdy aıtqym keledi. Osy ýaqyt aralyǵynda Qazaqstan Túrki keńesiniń abyroıyn asqaqtatyp, múshe-memleketter arasyndaǵy mańyzdy kelisimderdi júzege asyrý boıynsha aýqymdy jumys atqardy. Qazaqstan tarapynyń atqarǵan jumysyna alǵysymyz zor. S.Jeenbekov bıylǵy Sammıttiń erekshe formatta ótip otyrǵanyna toqtaldy. О́zbekstan Prezıdenti Shafkat Mırzıeev pen Majarstan Premer-mınıstri Vıktor Orbannyń is-sharaǵa kelýi Keńestiń aýqymy keńeıe túskenin kórsetetinin aıtty.
«О́zbekstan Respýblıkasynyń Túrki keńesine múshe retinde kirýge talpynysyn joǵary baǵalaımyn ári qoldaımyn. Bul qadam Túrki keńesiniń aýqymy keńeıip, halyqaralyq arenada abyroıy artýyna qolaıly jaǵdaı jasaıdy. О́zbekstannyń qosylýy uıymǵa jańa serpin berip, kóptegen jańartýǵa sep bolady dep senemin. Eýropanyń ortasynda ornalasqan Vengrııanyń shyqqan túbi túrkilikti umytpaı, tamyrlas elderen dostyq qarym-qatynasty saqtap, mádenıeti men ádet-ǵurpyna qurmet bildirýi bizdi qýantady. Búgin Vengrııa Túrki keńesine baqylaýshy memleket mártebesine ıe bolady», dedi S.Jeenbekov.
Qyrǵyzstan Prezıdenti uıym aıasynyń geografııalyq turǵyda keńeıip, yntymaqtastyqtyń nyǵaıa túsýine sep bolatynyn atap ótti. Sondaı-aq baýyrlas Túrkimenstan memleketine Túrki keńesiniń esigi árdaıym ashyq ekenin málimdedi.
Abaı ASANKELDIULY,
"Egemen Qazaqstan"
