Avstralııa, Reseı, Armenııa, Qyrǵyzstan sııaqty kóptegen memleketter qalamgerleriniń Astana tórinde basyn qosyp, olardy baıtaq Qazaqstannyń kórikti jerlerin tanytý maqsatynda Baıanaýyl jáne Býrabaı jerlerine saıahat uıymdastyrǵan edi. Oǵan qazaqtyń birqatar kórnekti aqyndary men jastar qatysyp qaıtqan bolatyn. Sonymen qatar, Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrý maqsatynda qalamgerlerdiń kitaptaryn shyǵarý jáne nasıhattaý baǵytynda da eleýli jumystar atqaryp keledi.
Búgin Jambyl oblystyq ishki saıasat basqarmasynyń uıymdastyrýymen elimiz boıynsha bastaý alǵan Qazaqstan Jazýshylar odaǵynyń kóshpeli otyrysy tuńǵysh ret Áýlıeata óńirinde ótti. Odaq tóraǵasy, Qazaqstan Respýblıkasy Memlekettik syılyǵynyń laýreaty Ulyqbek Esdáýlet bastaǵan delegasııa Áýlıeata óńirine arnaıy kelip, jambyldyqtarmen júzdesti. Kezdesýge Jambyl oblysynda turatyn Qazaqstan Jazýshylar odaǵynyń músheleri men qoǵam qaıratkerleri, sonymen qatar oblystyq ardagerler keńesiniń músheleri qatysty.
О́z sózinde Ulyqbek Esdáýlet búgingi tańda Qazaqstan Jazýshylar odaǵynyń qolǵa alyp jatqan jobalarymen tanystyryp, keleshek josparlarymen bólisti. Sonymen qatar, qasıetti qarashańyraqqa memlekettiń kórsetip otyrǵan qamqorlyǵyn da atap ótti. Kezdesý barysynda belgili jazýshy, Qazaqstan Jazýshylar odaǵy tóraǵasynyń orynbasary Mereke Qulkenov óziniń adam jáne qoǵam, urpaq tárbıesi týraly oılarymen bólisse, tanymal sýretshi Erkin Nurazhan taǵylymǵa toly taǵdyr ıeleri jaıly óziniń oıyn aıtty.
Kezdesý jalpy erkin formatta ótti. Jıyndy oblystyq ishki saıasat basqarmasynyń basshysy Berik Qurmanǵalı júrgizip otyrdy. Keleli kezdesýde Qazaqstannyń Eńbek sińirgen qaıratkeri, jazýshy Nesipbek Dáýtaıuly ádebıettegi talant pen tanym týraly óziniń oıyn ortaǵa saldy. Al aýylda tursa da aqyn atanǵan tabıǵat jyrshysy Qýandyq Sholaq jergilikti qalamgerler shyǵarmashylyǵyn tıisti deńgeıde nasıhattaý týraly oıyn aıtty. Sonymen qatar, jalpy qatysýshylar Ulyqbek Esdáýletke ózderiniń saýaldaryn joldap, tıisti jaýap aldy.
Hamıt Esaman,
«Egemen Qazaqstan»
Jambyl oblysy
