Qazaqstan • 08 Qyrkúıek, 2018

Sınoptıkter qyrkúıektiń 8-ne arnalǵan aýa raıy boljamyn jarııalady

557 ret

kórsetildi

1 mın

oqý úshin

Qyrkúıektiń 8-i kúni Qazaqstannyń basym bóligi ádetinshe, aýqymdy antısıklonnyń yqpalynda bolady. Osyǵan qaraı Qazaqstannyń edáýir bóliginde kún ashyq. Tek eldiń soltústiginde, ortalyǵy men shyǵysynda jaýyn jaýýy yqtımal, dep habarlaıdy «Qazgıdromet» RMK.

Egemen Qazaqstan

Sınoptıkter qyrkúıektiń 8-ne arnalǵan aýa raıy boljamyn jarııalady

«Qazgıdromet» RMK-nyń málimeti boıynsha, keı jerlerde jel turyp, ońtústikte shańdy daýyl kóteriledi.

Túnde jáne tań ata tuman túsedi. Jambyl oblysynyń keı jerlerinde jel sekýndyna 15-20 metr jyldamdyqpen soǵady, kúndiz ekpini 23 metrge jetýi múmkin. Jeldiń sońy shańdy daýylǵa ulasýy yqtımal.

Soltústik Qazaqstan, Shyǵys Qazaqstan oblystarynda jeldiń jyldamdyǵy sekýndyna 15-20 bolady, túnde jáne tań ata birqatar aımaqtarda tuman túsedi. Qyzylorda oblysynyń keı jerlerinde tań ata jáne kúndiz jeldiń jyldamdyǵy sekýndyna 15-20 metrge jetedi jáne arty shańdy daýylǵa ulasýy yqtımal.

Mańǵystaý, kúndiz Túrkistan oblysynda jeldiń jyldamdyǵy sekýndyna 15-20 metrge jetedi. Qostanaı oblysynda, túnde jáne tań ata Aqmola, Pavlodar, Qaraǵandy oblystarynda tuman túsýi yqtımal. Qyzylorda, Túrkistan, Jambyl, Mańǵystaý oblystary men Atyraý, Batys Qazaqstan, Aqtóbe jáne Qaraǵandy oblystarynyń keı jerlerinde órt qaýpi saqtalady.