Ovarı oıynynyń (afrıkalyq ulttyq oıyn) qyzdar komandasy altyndy ıelense, Ásel Dalıeva jekeleı esepte de altyn medal aldy.
Aıta keteıik, bul Áseldiń osy jarystaǵy tórtinshi altyn medali. Buǵan deıin ol mangala, toǵyzqumalaqtan joǵary dárejeli medaldi enshilegen bolatyn. Dıana Kenına bolsa, qola medal aldy.
Qorytyndysynda, el quramasy 72 medalmen ekinshi orynǵa jaıǵasty. Bizdiń qorjynda 18 –altyn, 24-kúmis, 30 qola medal bar. Birinshi oryn jarys qojaıyndary Qyrǵyzstan quramasynda 103 medal (40-altyn, 32-kúmis, 31-qola). 56 medalmen úshinshi orynǵa Reseı Federasııasy ornalasty (17-altyn, 24-kúmis, 27-qola).
Aıta keteıik, III Dúnıejúzilik Kóshpendiler oıyndary 2 - 8 qyrkúıek aralyǵynda Cholpon-Ata qalasynda ótti. Oıyndarǵa álemniń 80 elinen 3000 astam sportshy keldi. Olar sporttyń 37 túri boıynsha synǵa tústi. Qazaqstan quramasy sporttyń 32 túri boıynsha baq synady. Qurama sapynda 135 sportshy. Kelesi Kóshpendiler oıyndarynyń kezegi Túrkııa memleketine tabystaldy. Jarys 2020 jyly ótedi.
