Joba maqsaty – elimizdiń jýrnalıstıka salasyn damytý. Atalǵan forýmdar 11 qyrkúıekte Taraz qalasynda, 16 qyrkúıek - Almaty, 25 qyrkúıek – Semeı, al 5 qazanda Astana qalasynda ótkiziledi. Qatysýshylar – 14 pen 29 jas aralyǵyndaǵy jas jýrnalıster jáne bolashaqta jýrnalıst bolamyn degen jastar.
Forýmdardy kelesi spıkerler ótkizedi: Májilis depýtaty, telejúrgizýshi jáne jýrnalıst Artýr Platonov, «Qazaqstan» RTRK-niń basqarma tóraǵasy Erlan Karın, «Informburo» bas redaktory Mıhaıl Dorofeev, «Jas qazaq» gazetiniń bas redaktory Sraıyl Smaıyl jáne «Karavan» gazetiniń bas dırektory Aleksandr Nezdemkovskıı, KTK telearnasynyń tilshisi, Qazaqstan ulttyq telearnasy «Másele» baǵdarlamasynyń avtory Nartaı Aralbaıuly jáne «KTK» AQ aqparattyq baǵdarlamalar dıreksııasynyń dırektory Aleksandr Podoınıkov.
Joba 3 kezeńnen turady: ótinim qabyldaý – irikteý kezeńi; aımaqtyq forýmdar; qorytyndy respýblıkalyq forým. Nátıjesinde 500-ge jýyq jas jýrnalısterdi oqytyp, mentorlyq kómek kórsetý arqyly jýrnalıstik joldaǵy progressin baqylaý kózdelgen.
Juldyzdy desant baratyn birinshi qala – Taraz qalasy. 11 qyrkúıekte M.H.Dýlatı atyndaǵy Taraz memlekettik ýnıversıtetinde «Jas Qalam» jobasynyń tuńǵysh forýmy ótkiziledi. Qatysýǵa barsha jas jýrnalıster men atalǵan mamandyqqa qyzyǵýshylyǵy bar jastardy shaqyramyz.
Forýmdarǵa qatysý úshin https://goo.gl/forms/X8RMcEDsiCdV7bak1 siltemesi boıynsha tirkelý qajet. Tolyq aqparatty joba jetekshisi Syzdyqova Aıdadan 8 747 674 48 36 baılanys telefony boıynsha alýǵa bolady.
