Densaýlyq saqtaý mınıstrliginde ınfeksııalyq aýrýlardyń aldyn alý boıynsha máseleler talqylandy.
Densaýlyq saqtaý vıse-mınıstri Alekseı Soıdyń tóraǵalyǵymen Infeksııalyq aýrýlardyń aldyn alý boıynsha respýblıkalyq shtabtyń kezekti otyrysyna qatysýshylar qyzylsha, Kongo-Qyrym gemorragııalyq qyzbasymen syrqattaný epıdemıologııalyq jaǵdaıy jáne halyq arasynda atalǵan aýrýlardyń aldyn alý boıynsha qabyldanatyn sharalar jónindegi máselelerdi talqylady.
Qazirgi ýaqytta elimizde qyzylsha syrqaty boıynsha jaǵdaı turaqty. 2018 jylǵy 8 aıda profılaktıkalyq egýlerden bas tartý sebebinen qyzylshanyń 2 jaǵdaıy tirkeldi. Sondaı-aq Kongo-Qyrym gemorragııalyq qyzbasyna qatysty 2018 jyldyń basynan beri respýblıkanyń endemııalyq óńirlerinde 14 jaǵdaı tirkeldi. Atap aıtqanda, Jambyl oblysynda – 7, Túrkistan oblysynda – 4, Qyzylorda oblysynda 3 jaǵdaı tirkelgen. Onyń ishinde osy óńirlerdiń árqaısysynda ólimmen aıaqtalǵan 1 jaǵdaıdan tirkelgen. Sarapshylardyń aıtýynsha, ólim jaǵdaılary pasıentterdiń dárigerge ýaqtyly júginbeýi sebebinen oryn alǵan.
Keńes qorytyndysynda ınfeksııalyq aýrýlardyń aldyn alý jáne ony boldyrmaý úshin odan arǵy sharalardy qabyldaý boıynsha tapsyrmalar men usynymdar berildi.
«Egemen-aqparat»
