Úkimet saǵatynyń taqyryby - «2015 – 2019 jyldarǵa arnalǵan «Nurly jol» ınfraqurylymdy damytý memlekettik baǵdarlamasyn iske asyrý aıasynda avtomobıl joldaryn damytý».
Otyrysty ashqan Vıse-spıker V. Bojko «Ult jospary – júz naqty qadam» jobasynda 65-qadam Qazaqstandy halyqaralyq kólik-kommýnıkasııalyq aǵymdarǵa ıntegrasııalaý basymdyǵy dep belgilengenin atap ótti.
Atqarylyp jatqan jumystar jóninde Investısııalar jáne damý mınıstri Jeńis Qasymbek baıandama jasap, baǵdarlamanyń basty baǵyty avtojol salasy ekenine toqtaldy. Bul baǵytta elimizdiń avtomobıl joldaryn rekonstrýksııalaý men salý jumystary júrgizilip, olar elimizdiń iri qalalaryn sapaly ınfraqurylymǵa qosatynyn jáne avtomobıl kóligimen tranzıttik júk tasymaly kólemin ulǵaıtýǵa múmkindik beretinin aıtty.
Qosymsha baıandama jasaǵan Májilistiń Ekonomıkalyq reforma jáne óńirlik damý komıtetiniń tóraǵasy N. Sabılıanov «Nurly jol» memlekettik baǵdarlamasy kólik ınfraqurylymyn keń aýqymdy jańǵyrtýdy qamtamasyz etkenin senimdilikpen aıtýǵa bolatynyn jetkizdi. Avtomobıl joldaryn damytýǵa baǵdarlama boıynsha bıýdjetten 2 trln. 400 mlrd. teńge qarastyrylǵan. Bul el ekonomıkasynyń odan ári ósýi úshin avtomobıl joldaryn damytýdyń úlken ról atqaratynyn kórsetedi.
О́z kezeginde depýtat avtojol salasynyń damýyna teris áser etetin birqatar máselelerge toqtaldy. Olar: avtojoldar boıynsha jobalardy iske asyrýdyń bastapqyda belgilengen merzimderiniń buzylýy jáne olardy birneshe márte túzetý máselesi, salynǵan avtomobıl joldarynyń sapasy, sondaı-aq, memlekettik baǵdarlamany iske asyrýdyń josparly kórsetkishterine qol jetkizbeý problemasy, jol jabyndarynyń kóterý qabiletiniń jyldam tozýy jáne jergilikti mańyzy bar avtomobıl joldaryn jóndeýdi qarjylandyrý, sonymen qatar jobalardy bekitý kezinde keıbir respýblıkalyq mańyzy bar avtomobıl joldaryn jóndeý jónindegi jobalardy qarjylandyrý júıesinde ashyqtyqtyń bolmaýy men jol servısiniń damymaǵandyǵy men sapasynyń tómendigi, sondaı-aq avtojoldarda navıgasııa júıesiniń bolmaýy.
Kezdesýde talqylanǵan másele boıynsha depýtattar tıisti Usynymdar qabyldady.
