Rásimge qatysqan Qyrǵyz Respýblıkasynyń Premer-mınıstri Muhammedqalyı Abylǵazıev Kóshpendiler oıyndarynyń rámizderi – kóókórdi (saba) jáne Kóshpendiler oıyndarynyń týyn 2020 jylǵy tórtinshi oıyndardyń ıesi Túrkııa Respýblıkasyna tapsyrdy. Rámizderdi Túrkııanyń jactar jáne sport boıynsha mınıstrdiń orynbasary Hamza Erlıkaıa qabyl aldy.
Saltanatta sóz sóılegen úkimet basshysy kóshpendiler oıyndary dúnıede bolyp jatqan kıkiljińderge qaramastan planetamyzdaǵy halyqtardy yntymaqqa jáne jasampazdyqqa shaqyrǵan úlken oqıǵa bolǵanyn basa belgiledi.
Rásim Qyrǵyzstannyń jáne sheteldik óner sheberleriniń konsertimen aıaqtaldy. Qazaqstannan QR Eńbek sińirgen qaıratkeri Janar Duǵalova qatysty.
Al V Dúnıejúzilik kóshpendiler oıyndary 2022 jyly Ázirbaıjan Respýblıkasynda ótetin boldy.
Nazarbek Baıjigitov,
Qyrǵyz Respýblıkasy, Sholpanata qalasy
