Qyrkúıek keldi degenshe maqtaly aýdandarda jumys qyza túsedi. Baý-baqsha ónimderiniń jıyn-terimi tolyq aıaqtalmaı jatyp, Jetisaı aýdanynda maqta terimi bastaldy. J. Eralıev, Sh. Dildabekov, Maqtaly, Qaraqaı aýyl okrýgterindegi usaq sharýa qojalyqtarynda maqta qolmen terilýde.
Bıyl aýdanda 48220 gektarǵa maqta dáni sebilgen. Aýdan sharýalary ónim byltyrǵydan, ıaǵnı ortasha eseppen ár gektardan 25 sentnerden tómen bolmaıdy dep otyr. Maqta teretin 70-ke jýyq «DjonDır» kombaındary alqapqa shyǵýǵa daıyndalýda. Sonymen qatar, aýdan kóleminde aq altyn jınaýǵa arnalǵan qabyldaý beketteri iske qosylýda.
Ǵalymjan ELShIBAI,
«Egemen Qazaqstan».
Túrkistan oblysy
