Solardyń biri – arnanyń eń kishkentaı kórermenderine arnalǵan, eki búldirshinniń basynan keshken qyzyq hıkaıalarynan turatyn «Erkeler» mýlthıkaıasy. Sábılerdiń qolyna túsken ǵajaıyp pýlttiń áserinen aýlada túrli oqıǵalar oryn alady.
«Dara tulǵa» anımasııalyq-tanymdyq jobasy arqyly elimizdiń tarıhynda erekshe oryn alǵan tulǵalarymyzdyń bolmysy, murasy, ómiri jańa qyrynan ashylady. Tyń derekter men anımasııalyq utymdy sheshim jas urpaqtyń tulǵalarymyzǵa degen aıryqsha kózqarasyn qalyptastyrmaq.
Erekshe atap óterligi, arnada tuńǵysh ret áleýmettik jobanyń tusaýy kesildi. Múmkindigi shekteýli balaqaılardyń shyn máninde sheksiz múmkindikke ıe ekenin «Dos bolaıyq!» áleýmettik tok-shoýy dáleldeıdi. Maqsatymyz – osy qoǵamnyń kishkentaı músheleriniń «erekshe» adamdarǵa degen oń kózqarasyn jáne olardy shettetpeıtin izgi orta qalyptastyrý.
Al «Ámııan» realıtı-shoýy jetkinshekterdi qarjylyq saýattylyqqa tárbıeleıdi. Ár baǵdarlamada qatysýshylarǵa tapsyrma berý arqyly qarjyǵa jaýapty bolý, ony jumsaýdyń, únemdeýdiń negizgi qaǵıdalaryn úıretedi.
Respýblıkanyń túkpir-túkpirindegi talantty, álemdik sahnalarda óner kórsetip, halyqaralyq baıqaýlarda top jaryp júrgen jas daryndardyń ónerin «Viva, classica!» kosertinen tamashalaýǵa bolady.
Kórermen nazaryna usynylatyn «Kóke» komedııasy balalardy kúldirip qana qoımaı, otbasylyq qundylyqtardy da nasıhattaıdy. Sondaı-aq, mektep qyzyqtaryna toly «Synyq synyp» jobasy kórermenderdiń kóńil-kúıin kóterip, balalyq shaqtyń eń tátti sátterin baǵalaýǵa shaqyrady.
Joǵaryda kórsetilgenderden bólek, ártúrli janrdaǵy ózge de jobalar jyl sońyna deıin kórermenge jol tartady.
