Bul tapsyrma Ulttyq ekonomıka mınıstrligine, múddeli memlekettik organdar men Premer-Mınıstrdiń Keńsesine tapsyryldy.
«Negizgi másele – Prezıdent tapsyrmalarynnyń oryndalý barysy, ásirese – sessııanyń ashylýynda berilgen tapsyrmalar, Prezıdenttiń Bes áleýmettik bastamasy boıynsha tapsyrmalar. Tımýr Muratuly, tapsyrmalardyń oryndalý sapasy, problemalar men olardy sheshý joldary boıynsha egjeı-tegjeıli taldaý qajet», — dedi Premer-Mınıstr.
Eske sala keteıik, Úkimet otyrysynda elimizdiń 2018 jyldyń segiz aıyndaǵy áleýmettik-ekonomıkalyq damýy men respýblıkalyq bıýdjettiń atqarylýynyń qorytyndylary týraly ortalyq jáne jergilikti atqarýshy organdardyń basshylary baıandady.
Ulttyq ekonomıka mınıstri Tımýr Súleımenov osy jyldyń qańtar–tamyz aılarynda Qazaqstan ekonomıkasynyń oń ósý úrdisi saqtalyp otyrǵanyn aıtty. Sonymen birge, ekonomıkalyq damý álemdik naryqtardaǵy syn-tegeýrinder men qubylmalylyqtardyń kúsheıýi jaǵdaıynda júrip jatyr.
«Esepti kezeńde JIО́ ósýi 3,8% qurady. JIО́ ósimi boıynsha 4% maqsatqa jetý úshin, aı saıynǵy ósimdi aǵymdaǵy jyldyń sońyna deıin orta eseppen 4,2% deńgeıinde qamtamasyz etý qajet», — dedi T. Súleımenov.
