Astyq operasııalaryna blokcheın tehnologııasy engiziledi

A.Jumaǵalıev óz baıandamasynda aýylsharýashylyq salasynda jańa tehnologııalardy qoldaný jáne sıfrlandyrý oń nátıjelerge bastaıtynyn atap ótti. Iаǵnı ónim qýaty artyp, tıimdiligi joǵarylamaq.

Elimizde búginde qanatqaqty rejimde smart fermalar, elektrondy kartalar jáne dálme-dál eginshilik jobalary iske qosylǵan. Sonyń arqasynda aldaǵy ýaqytta shyǵyn 25-30%-ke qysqaryp, ónimdilik 30-50%-ke artady degen boljam bar.

Sıfrlandyrý aıasynda A.I.Ba­raev atyndaǵy Astyq sha­rýa­shylyǵy ǵylymı-óndiristik ort­a­­lyǵynyń tájirıbelik alqap­­tarynda dálme-dál eginshi­liktegi aldyńǵy qatarly ınno­va­sııalyq tehnologııalar iske qo­sylýda. Mı­nıstrlikpen bir­le­sip, AО́K damýyndaǵy bar­lyq baǵyt­tar negizinde quzy­retti orta­lyq­tar­dy qurý boıyn­sha josparly ju­mystar júrgi­zi­lýde. Ýnıver­sıtetter, ǴZI jáne de tájirıbelik sharýashylyqtar bazasynda osy tehnologııalardy tıimdi oqytý jáne taratý uıymdastyrylatyn bolady.

Dálme-dál eginshilik ele­ment­terin engizý fermerlerge óndi­ris tıimdiligin aıtarlyqtaı art­tyrýǵa múmkindik bermek. Osyn­daı elementterge al­qaptar­dyń elektrondy kartasy, naqty meteoderekter, sensorlar men datchıkter, ǵaryshtyq monıtorıng jáne taǵy basqa sheshimder jatady. Mundaı tehnologııalardy iske qosý tyńaıtqyshtardy jáne qorǵaý quraldaryn tıimdi paıdalanýǵa, aýylsharýashylyq daqyldarynyń ónimin ortasha eseppen 15%-ke joǵarylatýǵa múmkindik beredi deıdi mamandar.

Is-shara barysynda sondaı-aq Premer-Mınıstrdiń orynba­sary О́.Shókeev dálme-dál eginshiliktiń bir bóligi sanalatyn alqaptardyń elektrondy kartasyn qurý aıasynda 23 mln ga jer nemese jalpy egis alqabynyń 95,9 prosentine esepteý júrgizilgenin atap ótti. Elek­trondy astyq qolhattarynyń júıesine astyq balansynyń onlaın monıtorıngi, astyq baǵasy boıynsha statıstıka, astyq qabyldaý pýnktteriniń reıtıngi sııaqty málimetter en­gi­zildi. Qoldan jasalǵan astyq qolhattary alynyp tastalǵan jáne fermerlerdiń shyǵyny jylyna 700 mln teńgege deıin tómendegen. Sonymen qatar bıyl operasııalardyń qaýipsiz ótýi maqsatynda «blokcheın» tehnologııasy engizilgen.

Atap ótilgendeı, qazirgi kúni Aýyl sharýashylyǵy mınıstr­ligi kórsetetin 101 memlekettik qyz­mettiń ishindegi 61 qyzmet ishin­ara jáne 1 qyzmet tolyq avto­mat­tandyrylǵan. 2018 jyldyń sońy­na deıin 16 mem­lekettik qyz­metti, al 2022 jyl­ǵa deıin bar­lyq memlekettik qyz­metti avto­mat­tandyrý jospar­lanyp otyr. AО́K-ti sıfrlandyrý báseke­ge qabilettilik pen eńbek ónimdi­ligin arttyryp, azyq-túlik qaýipsiz­digin qamta­masyz etedi jáne de osy salaǵa ınvestısııa­ tarta túsedi dep kútilýde. Onyń jalpy ekonomıkalyq áseri 2025 jylǵa deıin 40 mlrd teńgeni quramaq.

Dınara BITIK,

«Egemen Qazaqstan»