Baýyrjan Qaraǵyzuly – 1982 jyly 17 qazanda dúnıege kelgen. Qazaqtyń talantty aqyny, kóptegen halyqaralyq, respýblıkalyq, ádebı konkýrstardyń jeńimpazy.
Nursultan Ábishuly Nazarbaevtyń jáne IýNESKO-nyń qoldaýymen ótken Halyqaralyq «Shabyt» shyǵarmashyl jastar festıvaliniń eki márte laýreaty jáne Gran-Prı ıegeri.
«Álemge áıgili – Astana» atty jyr músháırasynyń Gran-Prı ıegeri. Seıdolla Báıterekov atyndaǵy arnaıy syılyqtyń ıegeri. QR Táýelsizdiginiń 20 jyldyǵy qarsańynda ótken «Qazaq eli, bir aýyz sózim saǵan» atty I respýblıkalyq Maǵjan óner festıvaliniń laýreaty.
«Tabysty qazaqstandyq – 2012» Aqmola oblystyq jastar baıqaýynda «Jas daryn» syılyǵynyń ıegeri. Aqyn-ımprovızator Imanjúsip Qutpanulynyń 150 jyl tolýyna oraı ótken ádebı baıqaýdyń jeńimpazy.
2014 jylǵy Qazaqstan Respýblıkasy memlekettik stıpendııasynyń ıegeri. «Jumbaqtasqa jaýǵan kúz», «О́ń.Men.Tús.», «Júrek kitaby», «Topyraq demi» atty jyr-kitaptarynyń avtory.
Respýblıkalyq «Alash úni» gazetinde tilshi, Elordalyq «Astana» jýrnalynda tilshiler qosynynyń jetekshisi, jaýapty hatshy, bas redaktordyń orynbasary;
Qazaqstan Respýblıkasynyń Ulttyq Akademııalyq kitaphanasynda «Kitap patshalyǵy» jýrnaly bas redaktorynyń orynbasary;
Kókshetaý qalasyndaǵy «Aqparattyq kitaphana júıesi» Memlekettik mekemesinde dırektor; «Qazkontent» AQ «Ádebıet portalynyń» jetekshisi; «Mádenıet portalynyń» bas dırektory;
Qazaqstan Jazýshylar odaǵy Astana qalasy fılıalynyń dırektory, Mádenıet jáne sport mınıstrligi janynan qurylǵan Jas aqyn-jazýshylar keńesiniń hatshysy qyzmetterin atqarǵan.
