Buǵan deıin 380,4 mlrd teńgeni quraıtyn 11 joba, endi 29,91 mlrd teńgeni quraıtyn 5 joba, nátıjesinde sońǵy 1,5 aıda 16 ınvestordyń jalpy somasy 410,31 mlrd teńgeni quraıtyn ınvestısııalyq bıznes jobalary sybaılas jemqorlyqtan qorǵalatyn bolady.
Bul týraly osymen úshinshi ret ótken «Mańǵystaý oblysyndaǵy ınvestısııalyq ahýal: sybaılas jemqorlyqqa qarsy mehanızmder» atty bıznes-kezdesýde aıtyldy. Oǵan «Atameken» kásipkerler palatasy, óńirlik sybaılas jemqorlyqqa qarsy is-qımyl ulttyq bıýrosy, «Kazakh Invest» UK» óńirlik fılıaly, otandyq jáne sheteldik ınvestorlar, memlekettik organdardyń ókilderi qatysty.
О́z sózinde Agenttiktiń aýmaqtyq departamentiniń basshysy Nurgúl Jannazarova, jobanyń maqsaty qolaıly ınvestısııalyq ahýaldy qalyptastyrý jáne memlkettik bılik ınstıtýttaryna bıznes pen ınvestorlardyń senimin arttyrý ekendigin atap ótti.
«Agenttiktiń bastamasymen qazirgi tańda respýblıka boıynsha barlyq jerlerde ınvestorlardyń quqyqtaryn qorǵaý, olardyń óz jobalaryn júzege asyrý kezindegi ákimshilik kedergilerge jolyqpaý jáne sybaılas jemqorlyqtyń aldyn-alý mindeti tur. Iаǵnı, memlekettik organdar tarapynan bızneske kedergi jasalsa, ýákiletti organdar qarap qalmaıdy, zań aıasynda sharalar alynatyn bolady», - dedi Nurgúl Jannazarova.
Sharaǵa qatysqan kásipkerler de atalǵan jobanyń bıznes úshin qolaıly ekendigin atap ótti jáne alǵashqy nátıjesi de joq emes.
«Men bul joba aıasynda ózimdi tolǵandyrǵan máseleler boıynsha tıisti oryndarǵa jolyqqan bolatynmyn. Atap aıtar bolsam, óz kásibimdi jarnamalaý maqsatynda jarnama bannerlerin ilý úshin ákimdikten kóp ýaqyttan beri kelisim ala almaı júrdim. Agenttiktiń aýmaqtyq departamenti aralasqan soń meniń suraǵym oń sheshimin tapty. Sonymen qatar, jıhaz fabrıkama gaz tartý máselesinde de qıyndyqtar týyndaǵan bolatyn. Ol másele de kóp kúttirmeı, oń sheshildi»,- deıdi jeke kásipker Albert Bıtner.
Joba aıasynda ınvestorlar úshin «Hot Line» kartalar jasaqtalyp, ınvestorlar Agenttiktiń jáne Ulttyq bıýronyń aýmaqtyq departamentteriniń basshylaryna baılanys quraldary arqyly tikeleı shyǵýǵa múmkindik berilgen. Budan basqa kásipkerler áleýmettik jeliler, messendjerler, skaıp, óńirlik 8707 170 1424 shuǵyl jelisine habarlasý arqyly ınvestısııalyq jobany júzege asyrý barysynda kezdesken ákimshilik kedergiler nemese sybaılas jemqorlyq derekteri boıynsha jobanyń oblystaǵy front-ofısine habarlasa alady.
Is-shara sońynda aýmaqtyq departament ókili Erbol Jumabaı jobanyń negizgi basym-baǵyttarymen tanystyrdy. О́z kezeginde kásipkerler sharany joǵary deńgeıde uıymdastyrǵan Mańǵystaý oblysynyń kásipkerler palatasy men agenttiktiń aýmaqtyq departamentiniń ókilderine alǵys bildirdi.
