Ikonalardy tapsyrý rásimi Afınada Qazaqstan Syrtqy ister mınıstriniń orynbasary Roman Vasılenkonyń Parlamentaralyq Pravoslavıe Assambleıasynyń (PPA) basshylyǵy – Grekııa Parlamentiniń depýtattary Afanasıos Býras jáne Ioannıs Sarakıotıspen kezdesýi sheńberinde ótti.
Kezdesý barysynda R. Vasılenko osy uıymnyń parlamentaralyq yntymaqtastyqty nyǵaıtýda jáne dinaralyq únqatysýdy ilgeriletýdegi úlesin joǵary atap ótip, PPA-ny 2018 jylǵy maýsymda mereıtoılyq 25-shi Bas assambleıasyn ótkizýmen quttyqtady.
2018 jylǵy 10-11 qazanda Astanada Prezıdent Nursultan Nazarbaevtyń bastamasymen 2003 jyldan bastap ár úsh jyl saıyn ótkiziletin VI Álemdik jáne dástúrli dinder kóshbasshylarynyń sezi qarsańynda qazaqstandyq dıplomat grek depýtattaryn atalǵan forýmnyń biregeı sıpatymen tanystyrdy. Is-sharanyń basty maqsaty dinı kóshbasshylardyń kúsh-jigerin turaqtylyqqa qol jetkizý, sondaı-aq óshpendilik pen tózbeýshilikten týyndaǵan zorlyq-zombylyq ınsıdentterin boldyrmaýǵa jumyldyrý ekeni atap ótildi. Osyǵan oraı, R. Vasılenko PPA Bas Assambleıasynyń prezıdenti - RF Memlekettik Dýma depýtaty Sergeı Gavrılovtyń Sezge qatysýyn qoshtady.
R. Vasılenko Pravoslavıe álemindegi Qasıetti Afon taýynyń mártebesin nazarǵa ala otyryp, aldaǵy Sez jumysynyń birinshi kúni ashylatyn Beıbitshilik jáne kelisim mýzeıiniń ekspozısııasyn tolyqtyrýǵa arnalǵan syı úshin erekshe alǵysyn bildirdi. Ikonalardyń kóshirmelerinde Sımonopetra Monastyri (graver Ioannıs Kaldıstiń jumysy, 1870 jylǵy 27 naýryz) jáne Blagoveshenıe Presvıatoı Bogorodısy (graver Ierodıakon Efımıostyń jumysy, 1850 j.) sıpattalady.
Qazaqstan men Grekııanyń ortaq tarıhyna toqtalǵan R. Vasılenko elimizde 10 myńnan astam etnıkalyq grek - Qazaqstan azamattary turatynyn aıtyp ketti. Búgingi tańda grekter óz dástúrlerin, týǵan tilin jáne mádenıetin saqtaı otyryp, sondaı-aq ózderiniń tarıhı otandarymen, ıaǵnı Qazaqstan táýelsizdik alǵannan keıin Grekııaǵa ketken qandastarymen baılanysty úzbeı, eki el arasyndaǵy «dostyq kópirine» aınaldy. Sonymen qatar, elimizde ártúrli esep boıynsha Pravoslavıe dinin ustanatyn 4 mln. astam adam turatyn jáne de táýelsizdik jyldary ishinde 200-den astam jańa provaslavıe shirkeýleri ashylǵanyn, Qazaqstan zaıyrly jáne kópkonfessııaly respýblıka bolyp tabylatynyn erekshe atap ótti.
О́z kezeginde, grek depýtattary Prezıdent N. Nazarbaevtyń beıbit ómir men jasampazdyqty, dinder men halyq arasyndaǵy ıgi qarym-qatynastardy nyǵaıtýǵa baǵyttalǵan halyqaralyq bastamalarynyń arqasynda Qazaqstan álemge tanymal bolǵanyn atap ótti. Osy oraıda, A. Býras jáne
I. Sarakıotıs Astana qalasynda ótýi josparlanǵan Álemdik jáne dástúrli dinder kóshbasshylary seziniń joǵary maqsattary men ıdeıalaryn qoldaıtyndaryn rastap, forým qatysýshylaryna sátti jumys tiledi.
