«Teatr kıimilgishten bastalatynynyń» mán-maǵynasyn bilsek te, tirshilik ataýly kádimgi peshten bastalatyny daýsyz. Osynaý ómirlik ǵaqlııa tizginindegi qarapaıym ári asa qajet ispen aınalysyp jatqan kásiporynnyń biri – Býrabaıdaǵy qazandyq mehanıkalyq zaýyty. Ujymdy 30 jyl basqaryp, zeınetkerlikke shyqsa da, qazirgi basshylyqtyń qalaýymen bas konstrýktor qyzmetin atqaratyn Vıktor Kondrashev kásiporynnyń qazirgi ataýy «AzııaEnergoProektMontaj» JShS Shýche óndiristik fılıaly dep shubyrtyp jatpaıtyndyǵy da túsinikti. Jurtshylyq baıaǵydaı ataıdy. Másele onda emes, másele mánde, atqarylǵan iske saı jurtshylyqtyń júrek qabyldaýynda. Bas dırektor Marat Ahmetov te solaı oılaıdy. «Árıne, óndiris ornynyń óz josparlary bar. Biraq, túpki maqsat – adamdar júregine jylylyq shýaǵyn uıalatý», – deıdi búginginiń basshysy.
Munyń tórkini qaıyrymdylyq qoı. Ol úshin qýat kerek. Ony túpki maqsatyn túsingen meıirimdi júrekter jasaıdy. Qýat demekshi, kez kelgen suranystaǵy qazandyqtardy daıyndap, ornalastyryp beretin, qurylys materıaldary jáne qurylys isimen aınalysatyn kásiporyn 2008 jyly 562,9 mıllıon teńgeniń ónimin óndirse, 2011 jyly kórsetkish 1020 mıllıon teńgeden asqaly otyr. Kásporynnyń negizgi tutynýshylary qatarynda Qorǵanys mınıstrligi, Ishki ister mınıstrligi, Kólik jáne kommýnıkasııa mınıstrligi, «Qazaqstan temir joly UK» AQ-tyń barlyǵy biraz gáptiń betin ashqandaı. Onyń ústine jyl saıyn Qyzylorda, Semeı, Pavlodar, Atbasar, Ereımentaý, Qarakemer, Astrahanka, Qusmuryn, Prıozer, Rıdder, Kýrchatov, Qosshy, Pervomaı qalalary men Qopa stansasynyń, Ertis kenishiniń qazandyqtaryn jóndeý de Býrabaı kásipornynyń moınynda. Almaty, Astana, Aqtóbe, Atyraý, Semeı, Balqash, Stepnogor, Embi, Shýche, Ganıýshkın jáne basqa qalalarda zamanalyq qazandyqtar ornatyldy. Dál qazir Aqtaý qalasyndaǵy munaı jınaqtaý pýnktiniń qazandyǵy qurastyrylyp jatyr. Ujym jańaózendikterge de qol ushyn berýge daıyn ekendigin bildirýde. Zaýytta jumys isteıtin 220 adamnyń ortasha jalaqysy bıyl 105,1 myń teńgege jetken «AzııaEnergoProekt Montaj» JShS-nyń kez kelgen usynysty qabyldaı alatyny shúbá keltirmeıdi. О́ıtkeni, ol bıýdjetke jarty mıllıard teńgege jýyq tólemder aýdaryp, Býrabaı kýrortty aımaǵyn damytýǵa súbeli úles qosyp otyr.
Shýche qalasynyń tirshilik aýanyn qalyptastyrýshy kásiporyn jergilikti bılik túzgen san-alýan sharalarǵa belsene qatysady. Zaýyt kásiptik lıseıge, ınternasıonalıst-jaýyngerler odaǵyna, kúres federasııasyna, meshit pen shirkeýge, soǵys jáne eńbek ardagerlerine, ujymnyń burynǵy jumysshylaryna dástúrli kómek-qoldaý sharalaryn ótkizýdi abzal paryz sanaıdy. Esepke kelsek, 2008 jyly 881895 teńgeniń, 2009 jyly 910485 teńgeniń, 2010 jyly 1515679 teńgeniń demeýshilik kómegi kórsetilipti. Onyń ishinde tabıǵat apatynan zardap shekken Almaty oblysyndaǵy Qyzylaǵash aýylynyń turǵyndaryna arnalǵan 335 myń teńge qarjy bar. Al, bıyl jergilikti meshit qurylysyna 533 myń teńge, qarttar aılyǵyn qoldaýǵa 295 myń, aýǵan soǵysy ardagerlerin kótermeleýge 125 myń, Aqmola oblysy kúres federasııasyn qoldaýǵa 110 myń teńge, ujym músheleriniń turmys jaǵdaıyn kótermeleýge 250 myń teńge, taǵy basqalaryn qosqanda 3 mıllıon teńgeden astam aqshalaı qarjy jumsalypty.
Irgeli kásiporynda «Úzdik seh», «Úzdik maman», «Úzdik óndiris sheberi», «Kásibi boıynsha úzdik» baıqaýlary ıgi dástúrge aınalǵanynyń tálimdik máni bar. Irikteý talaptarynyń qatańdyǵyna qaramastan, bıyl jergilikti lıseıdiń alty túlegi ujym qataryn tolyqtyrdy. Bul da júrek jylytatyn úrdis.
Baqbergen AMALBEK.
Aqmola oblysy, Býrabaı aýdany.
